सामान्य चोटको कारणले गर्दा पूर्वराष्ट्रपति गारफिल्डले येशूलाई पाएका थिए

केही मानिसहरू मैत्रीपूर्ण बातचितमा संलग्न हुँदै थिए । एक जनाले आफूले सानो कुरोमा होसियार हुन सिकेको कुरो बताउँदै थियो, “एक जोडी मोजाजस्ता कुराहरूले मेरो सम्पूर्ण जीवन परिवर्तन ल्याइदिएका थिए भन्ने कुरामा के तपाईंहरू विश्वास गर्नुहुन्छ ?”

“म त त्यस्तो कुरोमा मुश्किलैले विश्वास गर्न सक्छु”, अर्को मानिसले मुख फोर्‍यो ।

त्यसपछि ती मानिसले आफूले अनुभव गरेको परिवर्तनबारे सबिस्तार वर्णन गरे, “यो साँचो हो । एक पटक केही साथीहरूसँगै मैले डुङ्गा चढ्ने योजना बनाएको थिएँ । तर हाम्रो यात्राको थालनी हुनुभन्दा दुई दिनअगावै काठ काट्ने क्रममा मेरो खुट्टामा चोट लाग्यो । चोट सामान्य थियो तर मैले घरमा नै निर्मित मोजा लगाएको थिएँ जसको निलो रङले मेरो घाउलाई झनै दूषित पारिदियो । म घरमा नै बस्न बाध्य भएँ । मेरा सङ्गीहरू यात्रामा जाँदा एक जना शक्तिशाली प्रचारक हाम्रो सहरमा आए, जागृति सभा सञ्चालन गर्नको लागि । मैले गर्नुपर्ने कुरो केही पनि नभएकोले सभामा उपस्थित हुने निर्णय गरेँ मैले । मलाई वचनले गहन रूपमा छोयो । परिणाम स्वरूप मैले मेरो ह्दय प्रभुमा समर्पित गरेँ । ममा नयाँ इच्छा र उद्देश्यहरूले जन्म लिए ।”

को हुन् यी मानिस ? तिनको नाउँ हो, जेम्स ए. गारफिल्ड । ख्रीष्टाब्द १८३१ मा जन्मेका गारफिल्ड अमेरिकाका बिसौँ राष्ट्रपति बनेका थिए । 

Leave Your Comments Here.

एउटा सामान्य उपमाले बदलेको थियो टिम केलरलाई

ख्रीष्टाब्द १९५० मा अमेरिकामा जन्मेका टिम केलर पास्टर, ईश्वरशास्त्रीसाथै ख्रीष्टियान रक्षाशास्त्री हुन् । हरेक हप्ता तिनको मण्डलीमा ५,००० भन्दा बेसी सहभागीहरू जम्मा हुन्छन् । तिनलाई एक्काइसौँ शताब्दीको सी. एस. लेविस पनि भनिएको छ । ख्रीष्टाब्द १९७० मा एक जना सन्डे स्कुलकी शिक्षिकाले भनेको एउटा सामान्य उपमाले तिनको जीवनमा परिवर्तन ल्याएको थियो ।

शिक्षिकाले भनेकी थिइन्, “मानौँ, सूर्य र पृथ्वीबिचको दूरी (९ करोड ३० लाख माइल) लाई यस कागजको टुक्राको मोटाइ बराबर हुने गरी घटाइयो । त्यसो हो भने पृथ्वी र सबैभन्दा नजिकको ताराको दुरी ७० फिट उचाइ भएको कागजहरूको चाङजत्तिकै हुनेछ । र तारापुञ्जको ब्यास तिन सय दस माइल उचाइ भएको कागजहरूको थुप्रोजत्तिकै हुनेछ ।”

केलरकी शिक्षिकाले थपिन्, “यो विश्वमा तारापुञ्ज केवल धुलोको कण हो । तरै पनि येशूले आफ्नो शक्तिको वचनद्वारा विश्वलाई थाम्नुहुन्छ ।”  

तपाईंले उहाँलाई आफ्नो जीवनको नियन्त्रणक हुन निमन्त्रणा दिन सक्नुहुन्छ । के तपाईं सारा विश्वलाई थाम्नुहुने परमेश्वरले नै तपाईंको जीवनलाई अगुवाइ गर्नुभएको चाहनुहुन्न र ?  

Leave Your Comments Here.

यो विश्व अकल्पनीय रूपमा व्यवस्थित छ

यो सारा विश्व लथालिङ्ग रूपमा अस्तित्वमा मात्र छैन तर यो अकल्पनीय रूपमा जटिल, सुन्दर र व्यवस्थित छ । विगतमा भन्दा अहिले हामी विश्वलाई अझै राम्ररी बुझ्न सफल भएका छौँ । आधुनिक वैज्ञानिक खोजहरूले विश्वका रहस्यहरूलाई बिस्तार–बिस्तारै उजागर पार्दै छन् । खगोल–भौतिकशास्त्रीहरूले ६० भन्दा बेसी मापदण्डहरू फेला पारेका छन् जुन पृथ्वीमा जीव बाँच्नको लागि अपरिहार्य छन् । तलको कुनै पनि कुरो साँचो भएमा पृथ्वीमा जीव बाँच्न सक्दैन:

• पृथ्वीको परिक्रमण अलि ढिलो वा अलि छिटो भएमा ।
• हामी सूर्यबाट केवल २% नजिक वा टाढा भएमा ।
• पृथ्वीमा आउने सूर्यको प्रकाशमा केवल १% अदलबलद भएमा ।
• पृथ्वी अलि ठुलो वा अलि सानो भएमा ।
• चन्द्रमा अलि ठुलो वा अलि सानो भएमा ।
• पृथ्वीको बाहिरी सतह अलि बाक्लो वा अलि पातलो भएमा ।  
• अक्सिजन/नाइट्रोजनको अनुपात अलि बढी वा अलि कम भएमा । 
• ओजन तह अलि बढी वा अलि कम भएमा । 

यी माथिका बुँदाहरू केही नमुनाहरू हुन् जसले प्रस्ट पार्छन् कि जुन वस्तु जहाँ र जति हुनुपर्ने हो ती त्यहीँ र त्यति नै छन् । थोरै मात्र परिवर्तनले पनि जीवको अस्तित्वलाई असम्भव बनाइदिन्छ ।  पावलले रोमीहरूलाई लेखे, “उहाँको अदृश्य गुण, अर्थात् उहाँको अनन्त शक्ति र ईश्वरीय स्वभाव संसारको सृष्टिदेखि नै बनाइएका थोकहरूमा छर्लङ्गै देखिएको छ” (रोमी १:२०) ।

Leave Your Comments Here.