आफूलाई मरणासन्न हुने गरी पिट्ने आक्रमणकारीहरूलाई क्षमा दिए डोनाल्डले

अपराधको लामो इतिहास बोकेका दुई जना किशोरले न्युयोर्कस्थित वाईएमसीए अफिस लुटे । वाईएमसीए जवान मानिसहरूको ख्रीष्टियान संस्था हो जुन विश्वव्यापी रूपमा फैलिएको छ । बाहिर निस्कने क्रममा तिनीहरूले एक जना मानिसलाई टेलिफोन स्विचबोर्डमा देखे जसको नाउँ डोनाल्ड थियो । तिनीहरूको सन्त्रासमा तिनीहरूलाई लाग्यो कि तिनले प्रहरीलाई फोन गर्दै थिए । तिनीहरूले तिनलाई समाते र निर्दयतापूर्वक कुटपिट गरे । मरे होलान् भन्ने ठानेर तिनलाई त्यसै छाडी तिनीहरू फरार भए । डोनाल्ड बाँच्न सफल भए यद्यपि तिनले एउटा आँखा भने गुमाए ।

पछि ती दुई जना लुटेरा गिरफ्तार गरिए र तिनीहरूको न्यायिक जाँच पडताल गरियो । तिनीहरूले लामो समयसम्म दण्ड भोग्ने थिए भनी तिनीहरूका साबिक अभिलेखले देखाउँथ्यो । तर जाँचबुझमा डोनाल्डले ईश्वरीय मनोवृत्ति प्रदर्शित गरे । दुवै जनालाई जमानीमा छाडिओस् भनी तिनले न्यायाधीशलाई बिन्ती गरे । डोनाल्ड तिनीहरूलाई अर्को मौका दिन चाहन्थे । किनकि तिनीहरू बद्लन सक्थे भन्ने तिनको विश्वास रहेको थियो ।

दुईमध्ये एक जनाले आफ्नो मौकालाई दुरुपयोग गर्‍यो । उसले अर्को अपराध गर्‍यो र पक्राउ परेपछि उसलाई झ्यालखानामा हालियो ।

तर अर्का किशोर डोनाल्डको दयाप्रति जवाफदेही बने । तिनी कलेज भर्ना भए र अन्त्यमा तिनी मेडिकल स्कुलमा गए । तिनी अमेरिकाकै एक प्रमुख डाक्टर बने ।  

    

Leave Your Comments Here.

प्रार्थनाको शक्तिको कारणले गर्दा हमला गर्ने हिटलरको मनसायमा परिवर्तन

एडोल्फ हिटलर जर्मनीका तानाशाह थिए जसले पोल्यान्डमाथि हमला गरेपछि ख्रीष्टाब्द १९३९ मा दोस्रो विश्वयुद्धको थालनी भएको थियो । दोस्रो विश्वयुद्धको इतिहास (ख्रीष्टाब्द १९३९–१९४५) मा एउटा अनौठो पक्ष भनेको ३० सेप्टेम्बर १९३८ मा म्युनिक सम्झौतामा हिटलरको हस्ताक्षर हो । उक्त सम्झौताले इङ्गल्यान्डमाथि हमला गर्न तिनको हात बाँधिदिएको थियो । हिटलर ती मानिस थिए जो युद्धको लागि तम्तयार थिए र तिनले इङ्गल्यान्डतर्फ आफ्नो बन्दुक तेर्साउनै लागेका थिए । त्यस बेला इङ्गल्यान्ड कमजोर थियो र ऊ आफ्नो प्रतिरक्षा गर्न असमर्थ थियो । हिटलरको हस्ताक्षर तिनको आफ्नै स्वभावको विरुद्धमा मात्र थिएन तर तिनलाई जे गर्न सल्लाह दिइएको थियो त्यसको विरुद्धमा पनि थियो ।

हिटलर सधैँ आफ्नो भित्री आवाजको बारेमा चर्चा गर्थे । तिनले भनेका छन्, “भित्री आवाजले मलाई भनेको थियो इङ्गल्यान्ड कमजोर र सहाराविहीन भएको बेलामा नै त्यसमाथि आक्रमण गर्ने उपयुक्त समय थियो । तर केही कुरोले ममाथि विजय हासिल गर्‍यो र मैले त्यस सम्झौतामा हस्ताक्षर गरेँ ।” उक्त हस्ताक्षरको कारणले गर्दा तिनी बाँकी जीवनभर बैचैन भए र आफूसित रिसाए ।

केले गर्दा हिटलरले म्युनिक सम्झौतामा हस्ताक्षर गरे जसको कारणले गर्दा तिनले इङ्गल्यान्डमाथि हमला गर्न पाएनन ? प्रार्थना । दक्षिणी वेल्समा सयौँ मानिसहरू भेला भएका थिए जसले बेलुका सातदेखि मध्यरातसम्म शान्तिको लागि प्रार्थनामा बिताएका थिए । युद्ध पन्छिओस् भनी विश्वासीहरूले प्रार्थना गरेका थिए । हिटलरले भनेका छन्, “त्यो पहिलो पटक थियो जुन बेला मैले मेरो आवाजलाई सुनिनँ ।” धेरै मानिसहरूको विश्वासअनुसार त्यो शैतानको आवाज थियो ।

प्रार्थनाको कारणले गर्दा कति ठुलो विजय हासिल गरियो भनी बताइरहनु पर्दैन । जब हामी पवित्र आत्माको अगुवाइमा एकसाथ प्रार्थनामा भेला हुन्छौँ हामीले जीवनभर कल्पना नगरेको शक्तिको नतिजालाई हात पार्छौं ।     

Leave Your Comments Here.

अन्तरिक्षमा यात्रा गर्नुअगि सेपार्डले अपेक्षा गरे, “परमेश्वरका नियमहरू परिवर्तन हुँदैनन्”

अलान सेपार्ड ख्रीष्टाब्द १९२३ मा अमेरिकामा जन्मेका थिए । अन्तरिक्षमा यात्रा गर्ने तिनी दोस्रो व्यक्ति हुन् । पहिलो व्यक्ति रूसका युरी गागरिन हुन् । तर अन्तरिक्षमा यात्रा गर्ने पहिलो अमेरिकीको रूपमा भने तिनले इतिहास रचेका छन् । तिनी चन्द्रमाको धरातलमा पाइला टेक्ने पाँचौँ व्यक्तिसाथै सबैभन्दा पाका मानिस पनि हुन् । पछि तिनी अपोल्लो १४ मिसन (१९७१) को अगुवा बनेका थिए । 

अन्तरिक्षयात्री सेपार्डले पहिलो पटक अन्तरिक्षमा जाने तयारी गर्दै थिए । तिनी पत्रकार सम्मेलनमा उपस्थित थिए । पत्रकारले जुन प्रश्न सोधे त्यो अस्वाभाविक थिएन ।

पत्रकारको प्रश्न थियो, “मिस्टर सेपार्ड, यस फ्लाइटमा तपाईं केमाथि भरोसा गर्दै हुनुहुन्छ ?”

निस्सन्देह, सेपार्डले जुन उत्तर दिए पत्रकारले त्यस्तो अपेक्षा गरेका थिएनन् । सेपार्डको जवाफ थियो, “परमेश्वरका नियमहरू परिवर्तन हुँदैनन् भन्ने सत्यतामा म भरोसा गर्दै छु ।”

जब कसैले अन्तरिक्षमा जाने तयारी गर्छ र सकुशल पृथ्वीमा फर्कने अपेक्षा गर्दछ भने अन्तरिक्षमा परमेश्वरले स्थापित गर्नुभएका नियमहरूमा बद्लाउ आउनुहुँदैन । उहाँका ती नियमहरू अपरिवर्तनशील छन् भन्ने भरोसामा नै अन्तरिक्षहरू आकाशमा जान्छन् ।  

Leave Your Comments Here.