येशू अद्वितीय हुनुहुन्छ ।
जसरी येशू अलौकिक नियमद्वारा पृथ्वीमा आउनुभयो, त्यसै गरी उहाँ अलौकिक नियमद्वारा यस पृथ्वीबाट बिदा
हुनुभयो । पुनरुत्थानपश्चात् ४० दिन यस धरतीमा बिताउनुभएपछि येशू स्वर्ग प्रस्थान
गर्नुभयो जसलाई स्वर्गारोहण भनिन्छ । बाइबलमा अभिलिखित येशूको जीवनीलाई केलाउँदा उहाँको
स्वर्गारोहणमा पनि येशू अद्वितीय हुनुहुन्छ । विगत पाँच दिनमा हामीले हेरिसकेका छौँः
(१) पुरा भएका भविष्यवाणीहरूमा येशू अद्वितीय हुनुहुन्छ
(२) गर्भधारणमा येशू अद्वितीय हुनुहुन्छ
(३) उहाँको जीवनमा येशू अद्वितीय हुनुहुन्छ
(४) उहाँको मृत्युमा येशू अद्वितीय हुनुहुन्छ
(५) उहाँको पुनरुत्थानमा येशू अद्वितीय हुनुहुन्छ
(१) पुरा भएका भविष्यवाणीहरूमा येशू अद्वितीय हुनुहुन्छ
(२) गर्भधारणमा येशू अद्वितीय हुनुहुन्छ
(३) उहाँको जीवनमा येशू अद्वितीय हुनुहुन्छ
(४) उहाँको मृत्युमा येशू अद्वितीय हुनुहुन्छ
(५) उहाँको पुनरुत्थानमा येशू अद्वितीय हुनुहुन्छ
आज हामी उहाँको जीवनको छैटौँ अद्वितीय पक्षलाई छोटकरीमा हेर्न गइरहेका छौँ
।
६. उहाँको स्वर्गारोहणमा येशू अद्वितीय हुनुहुन्छ
संसारमा येशूको प्रवेश जसरी आश्चार्यमय थियो, त्यसै गरी संसारबाट उहाँको प्रस्थान पनि आश्चर्यमय छ ।
पुनरुत्थानपश्चात् येशूले चेलाहरूलाई आज्ञा दिनुभएपछि, “तिनीहरूले हेर्दाहेर्दै उहाँ उँभो उचालिनुभयो, र बादलमा उहाँ तिनीहरूका दृष्टिबाट लोप हुनुभयो
। जब तिनीहरूले उहाँ जाँदै गर्नुभएको एकटक आकाशतिर हेरिरहेका थिए, तब अचानक सेता पोशाक लाएका दुई जना मानिस
तिनीहरूका नजीक खडा भए” (प्रेरित १:९-१०) । केहीले भनेजस्तै यो कुनै दृष्टान्त होइन,
यो स्वर्गतर्फ उहाँको शारीरिक स्वर्गारोहण हो
जहाँबाट उहाँ यस धरतीमा शासन गर्नको लागि आउनुहुनेछ, “... यही येशू, जो तिमीहरूबाट स्वर्गमा लगिनुभयो, अहिले जसरी तिमीहरूले उहाँलाई स्वर्गमा जानुभएको देख्यौ,
त्यसरी नै उहाँ फेरि आउनुहुनेछ” (प्रेरित १:११) । ख्रीष्टियान विश्वासको सारले
ख्रीष्टको आश्चार्यमय शारीरिक स्वर्गारोहणलाई स्पष्टत: जोड दिएको छ ।
