शमूएलका पिता एल्काना को थिए— एफ्राइमी (१ शमूएल १:१) वा लेवी (१ इतिहास ६:१६–३०) ?

१ शमूएल १:१ मा उल्लिखित सङ्क्षिप्त वंशावलीअनुसार शमूएलका पिता एल्काना “एफ्राइमी थिए ।” तर १ इतिहास ६:१६–३० मा उल्लिखित लामो वंशावलीमुताबिक तिनी लेवी थिए । वास्तवमा एल्काना एफ्राइमी थिए कि लेवी ?

याकूब अर्थात् इस्राएलका १२ जना छोरामध्ये लेवी एक थिए र तिनका सन्तानहरू “लेवीहरू” भनेर चिनिन्थे । याकूबका योसेफ नाउँ गरेका एघारौँ छोरा थिए जसबाट एफ्राइम र मनश्शे दुई छोराहरू जन्मे । यो इतिहासलाई ख्याल गरिसकेपछि एल्काना लेवी थिए कि इफ्राइमी थिए भन्ने प्रश्नको बढी अर्थ लाग्छ ।   

एल्काना इस्राएलका प्रसिद्ध अगमवक्ता शमूएलका पिता थिए । १ इतिहास ६:१६, २२–२८ ले बताउँछ कि एल्काना मोशा र हारूनजस्तै लेवीका तिन छोरामध्ये कहातका वंशका थिए अर्थात् तिनी लेवी थिए । एल्काना लेवी कुलका भएकाले तिनका पुत्र शमूएललाई नव सिकारुको रूपमा प्रधान पूजाहारी एलीले मन्दिरमा लगे । परिपक्व भएपछि शमूएलले पूजाहारीले गर्ने कामहरू गरे भनी १ शमूएलको पुस्तकले बताउँछ । यदि तिनी लेवीको कुलको नभएको भए शमूएलले पूजाहारीय सेवा गर्न पाउँदैनथ्ये । 

एल्काना रामतैम (जसलाई रामा भनी बेसी चिनिन्छ) को एफ्राइमको पहाडी देशका बासिन्दा थिए (१ शमूएल १:१) । यो ठाउँ यरूशलेमदेखि करिब २५ माइल टाढा उत्तरमा पथ्र्यो । सबै लेवीहरूलाई बस्नको लागि अठचालीस ओटा सहर तोकिएको थियो (गन्ती ३५:७) । निश्चय नै एल्कानाको बासस्थान रामतैम ती सहरहरूमध्ये एक थियो । तब हामी निष्कर्ष निकाल्न सक्छौँ कि एल्काना कुलअनुसार लेवी थिए भने भूगोलको दृष्टिकोणबाट तिनी एफ्राइमी थिए ।    

     

Leave Your Comments Here.