मिसनबारे १४ ओटा भनाइहरू

परमेश्वरसित एक मात्र पुत्र हुनुहुन्थ्यो र उहाँ मिसनरी हुनुहुन्थ्यो ।

डेभिड लिभिङ्गस्टोन, मिसनरीसाथै अन्वेषक

[कोलम्बसपश्चात्] मिसनरीहरूले विश्वलाई फन्को मार्दा ... तिनीहरूले अस्पतालहरूको स्थापना गरे । तिनीहरूले अनाथालयहरू खोले । तिनीहरूले बचाउ मिसनहरूको थालनी गरे । तिनीहरूले धर्मशालाहरू निर्माण गरे । तिनीहरूले गरिबहरूको निम्ति सुप वितरण गर्ने ठाउँ तयार पारे । तिनीहरूले परोपकारी संस्थाहरू खोले । तिनीहरूले कानुन परिवर्तन गरे । तिनीहरूले प्रेमको प्रदर्शनी गरे । तिनीहरू मानिसहरूको महत्त्व छ भन्ने दृष्टिकोणकासाथ जिए ।

जर्ज ग्रान्ट, लेखकसाथै पास्टर  

परमेश्वरको तरिकाले गरिएको परमेश्वरको काममा परमेश्वरको आपूर्तिको कहिल्यै कमी हुनेछैन ।

हडसन टेलर, चीनका लागि मिसनरी

मातृभाषामा उपलब्ध बाइबल महानतम मिसनरी हो । यसको लागि अवकाशको आवश्यकता पर्दैन न त यसलाई कहिल्यै विदेशी ठानिन्छ ।

विलियम टाउनसेन्ड, मिसनरीसाथै भाषाशास्त्री

मैले मेरो जीवनको धेरै समय अफ्रिकामा बिताएकोले मैले गरेको बलिदानको बारेमा मानिसहरू कुरा गर्ने गर्छन् । ... वास्तवमा यो कुनै बलिदान होइन । बरु यसलाई विशेष अवसर भन्नुस् ।

डेभिड लिभिङ्गस्टोन, मिसनरीसाथै अन्वेषक

यदि मैले मानिसहरूका टिप्पणीहरूलाई वास्ता गरेको भए म कहिल्यै मिसनरी बन्ने थिइनँ ।

सी. टी. स्टड, मिसनरीसाथै क्रिकेटर

एउटा मिसनरीको लागि तिन ओटा अपरिहार्य कुराहरूको आवश्यकता पर्दछ: (१) धैर्य (२) धैर्य (३) धैर्य ।

हडसन टेलर, चीनका लागि मिसनरी

हामी प्रायश: संसारलाई यो जस्तो छ त्यस्तै रूपमा देख्दैनौँ तर हामी जस्ता छौँ त्यस्तै रूपमा देख्छौँ ।

अज्ञात

प्रत्येक ख्रीष्टियान मिसनरी हो र प्रत्येक गैरख्रीष्टियान मिसन क्षेत्र हो ।

विङ्की प्राट्नी

यदि तपाईंसित क्यान्सरको उपचार हुँदो हो त के तपाईंले त्यसलाई बाँड्नु हुन्नथ्यो र ? ... तपाईंसित मृत्युको उपचार छ । ... बाहिर निस्कनुस् अनि यसलाई बाँड्नुस् ।

किर्क क्यामरुन, सुसमाचार प्रचारकसाथै अभिनेता

मण्डलीको मिसन हराएकाहरूलाई खोज्नु र तिनीहरूलाई बचाउनु हो ।

जेम्स एच. अघी

महान् मण्डलीको चिन्ह यसको आसनको क्षमता होइन तर यसको पठाउने क्षमता हो ।

माइक स्टचुरा

परमेश्वरमा भर पर्ने कमजोर र दुर्बल मानिसहरूलाई उहाँले प्रयोग गर्नुहुन्छ ।

हडसन टेलर, चीनका लागि मिसनरी

परमेश्वरबाट महान् कुराहरूको अपेक्षा गर्नुस्; परमेश्वरको निम्ति महान् कुराहरू गर्ने कोसिस गर्नुस् ।

विलियम केरी, मिसनरी, अनुवादकसाथै अभियन्ता

Leave Your Comments Here.