धैर्यमा प्रदर्शित वक्ताको प्रेम देखेर ५८ जनाले ख्रीष्टमाथि विश्वास गरे

ख्रीष्टाब्द १९३९ मा अमेरिकामा जन्मेका जोस म्याकडोल प्रभावशाली ख्रीष्टियान वक्ता, लेखकसाथै रक्षाशास्त्री हुन् । तिनी १३५ ओटाभन्दा बेसी पुस्तकका लेखकसाथै सहलेखक हुन् ।

एक पटक तिनलाई दक्षिण अमेरिकाको एउटा विश्वविद्यालयमा बोल्न निमन्त्रणा दिइयो । उक्त विश्वविद्यालयको झुकाव माक्र्सवादतर्फ भएकोले चार वर्षमा त्यहाँ गएर बोल्ने तिनी पहिलो अमेरिकन थिए ।

क्याम्पसको चारैतिर म्याकडोलका ठुला–ठुला फोटाहरू टाँसिएका थिए । साम्यावादी विद्यार्थीहरूले उक्त सभामा सहभागीहरूको सङ्ख्या कम गर्न हर सम्भाव्य प्रयास गरेको भए तापनि सभाकक्ष भरिएको थियो ।

तर त्यहाँ सभा बिथोल्ने माक्र्सवादीहरू पनि उपस्थिति थिए । त्यस भूगोलमा तिनीहरूले पहिले पनि त्यस्तै गर्थे । तिनीहरूले एकपछि अर्को गर्दै म्याकडोललाई अभियोग लगाए अनि तथानाम गाली गरे । परिस्थित निकै भयावह देखिन्थ्यो । त्यो कुनै सभाकक्ष नभएर कसैलाई निमन्त्रणा गरी उसलाई अपशब्दहरू प्रयोग गरी उसको उपेक्षा गर्ने ठाउँजस्तो देखिन्थ्यो ।

४५ मिनेट बितेपछि म्याकडोल आफ्नो प्रस्तुतीलाई रद्द गर्न तयार थिए । वक्ताले हरेक  पटक येशूको नाउँ लिँदा तिनीहरू खित्का छाडेर हाँस्थे । म्याकडोलले यसरी सोचे, “हे परमेश्वर, किन तपाईं केही गर्नुहुन्न ? किन तपाईं शैतानलाई जित हासिल गर्न दिनुहुन्छ ?”

अन्तत: परमेश्वरले काम गर्न थाल्नुभयो । क्रान्तिकारी विद्यार्थी अभियानका सचिव खडा भइन् अनि हरेक विद्यार्थी स्तब्ध भयो । उनी कुशल वक्ता थिइन् । उनले भनिन्, “म्याकडोलज्यू, यदि आज राति म ख्रीष्टियान भएँ भने तपाईंले हाम्रो निम्ति देखाउनुभएको प्रेम के परमेश्वरले मलाई दिनुहुनेछ त ?”

त्यहाँ म्याकडोलले प्रचार गर्नुपरेन तर तिनको मौनता नै प्रचार साबित भयो र धैर्यमा प्रदर्शित तिनको प्रेम देखेर ५८ जनाले ख्रीष्टमाथि विश्वास गरे ।   

Leave Your Comments Here.