आफ्नै छोरोको हत्यारालाई क्षमा दिइन् जुडीले

जुडी लसनको छोरोलाई कसैलाई हत्या गरिदियो । हत्यारालाई क्षमा गरिदिनु नै परमेश्वरको इच्छा थियो भनी उनलाई थाहा थियो । तर आफूबाट आफ्नो छोरो खोसेर लैजाने मानिसप्रति उनले दुष्ट विचार पालेर राखेकी थिइन् । उनले परमेश्वरको इच्छालाई कहिल्यै नकार्ने सहमति जनाएकी थिइन् । “तिम्रो छोरोलाई मार्ने व्यक्तिलाई तिमीले प्रेम गरेको चाहन्छु म” भनी जब परमेश्वरले जुडीलाई भन्नुभयो तब भित्रभित्रै उम्लिरहेको स्वाभाविक क्रोधसित सङ्घर्ष गरी ख्रीष्टियान प्रेम र क्षमाको अभ्यास गर्नुसिवाय उनीसित अर्को विकल्प थिएन ।

एक दिन झ्यालखानामा जाँदा हत्यारासित जुडीको आमने–सामने भेट भयो । उनलाई क्षमाको अभिव्यक्ति दिन निकै गार्‍हो भइरहँदा पनि उनले आफूलाई परमेश्वरको अगुवाइमा सुम्पिन् । उनले भनिन्, “रिचार्ड, मेरो नाउँ जुडी लसन हो । तपाईंले मेरो छोरोको हत्या गरिदिनुभयो । मैले तपाईंलाई प्रेम गर्दछु र मैले तपाईंलाई क्षमा दिएको छु भनी तपाईंले जानेको चाहन्छु म ।”

ती हत्यारा सुँक्क सुँक्क गरेर रुन थाले । त्यसपछि झ्यालखानाका हाकिमले जुडीलाई त्यहाँबाट हटाए । उनले हत्यारालाई पत्रहरू पठाए । प्रत्युत्तरमा तिनले पनि लेखे । उनले निरन्तर रूपमा लेखिरहिन् । उनको परिवारले त्यस मित्रतालाई रोक्न अनुरोध गरे; उनको पास्टरले पनि त्यसै भने तर परमेश्वरले जारी राख्न भन्नुभयो । चाँडै नै परमेश्वरको अनुग्रहले काम गर्न थाल्यो अनि पीडित र पिडा दिने दुवैको बिचमा मिलाप भयो । तिनीहरू दुवै मिलेर एउटा सेवा–कार्यको आरम्भ गरे जसले बन्दीहरूको बिचमा अनुग्रह र क्षमाको घोषणा गर्दथ्यो । आफ्नो छोरोको हत्या गरिएको अठार महिनापछि जुडीले यस सेवाको आरम्भ गरेकी थिइन् ।

Leave Your Comments Here.