मानिसबारे १७ ओटा भनाइहरू

काम गर्ने मानिस प्रसन्न मानिस हो । निष्क्रिय मानिस दयनीय मानिस हो ।

बेन्जामिन फ्रयाङ्कलिन, लेखकसाथै राजनीतिज्ञ 

मानिसको आखिरी मापन सुख सुविधाको क्षणमा ऊ कहाँ खडा हुन्छ भन्ने होइन तर चुनौती र विवादको समयमा ऊ कहाँ खडा हुन्छ भन्ने हो ।

मार्टिन लुथर किङ्ग जुनिएर, पास्टर, अभियन्तासाथै मानवतावादी

सफल मानिस त्यो हो जसले अरूले उसलाई प्रहार गरेका इँटहरूबाट मजबुत जग बसाल्न सक्छ ।

डेभिड ब्रिङ्क्ली, पत्रकार

मानिसको महानता उसले कति धेरै धन सम्पत्ति कमाउँछ भन्ने कुरामा होइन तर उसको वरिपरि भएकाहरूलाई सकारात्मक रूपमा प्रभाव पार्ने उसको सत्यनिष्ठा र उसको क्षमतामा हुन्छ ।

बोब मार्ली

मृत्युको डर जीवनको डरबाट आउँछ । पूर्ण रूपमा जिउने मानिस कुनै पनि समयमा मर्न तयार हुन्छ ।

मार्क ताइवान, लेखक 

छिटो सुत्ने र छिटो उठ्ने आदतले मानिसलाई स्वस्थ, धनी र बुद्धिमान् बनाउँछ ।

बेन्जामिन फ्रयाङ्कलिन, लेखकसाथै राजनीतिज्ञ 

यदि कुनै मानिसले केको लागि मर्ने भन्ने कुरो पत्ता लगाएको छैन भने ऊ जिउनको लागि योग्य छैन ।

मार्टिन लुथर किङ्ग जुनिएर, पास्टर, अभियन्तासाथै मानवतावादी

सृजनशील परोपकारिताको ज्योतिमा हिँड्ने कि विनाशकारी स्वार्थको अन्धकारमा हिँड्ने भनी हरेक मानिसले निर्णय गर्नुपर्छ ।

मार्टिन लुथर किङ्ग जुनिएर, पास्टर, अभियन्तासाथै मानवतावादी

समय मानिसले खर्च गर्न सक्ने सबैभन्दा मूल्यवान् वस्तु हो ।

थियोफ्रेस्टस, प्राचीन ग्रिक दार्शनिक

रुपियाँ–पैसाले मानिसलाई कहिल्यै खुसी बनाएको छैन न त यसले बनाउनेछ । यसको स्वभावमा खुसी पैदा गर्ने त्यस्तो केही कुरो छैन । जति धेरै रुपियाँ–पैसा हुन्छ त्यति नै धेरै यसको चाह गरिन्छ ।

बेन्जामिन फ्रयाङ्कलिन, लेखकसाथै राजनीतिज्ञ 

मानिसलाई समझमा शिक्षित पारी नैतिकतामा शिक्षित नपार्नु भनेको समाजलाई कष्ट दिने व्यक्तिलाई शिक्षित पार्नु हो ।

थियोडोर रुजभेल्ट, अमेरिकाका सोर्‍हौँ राष्ट्रपति 

नीतिशास्त्रविनाको मानिस यस संसारमा खुला छाडिएको जङ्गली जनावरजस्तै हो ।

अल्बर्ट क्यामस, दार्शनिक, लेखकसाथै पत्रकार

अहिंसा मानव–जातिको व्यवस्थापनमा सबैभन्दा ठुलो शक्ति हो । यो मानिसको कुशलताद्वारा निर्माण गरिएको सबैभन्दा विनाशकारी हतियारभन्दा शक्तिशाली हुन्छ ।

महात्मा गान्धी, अगुवा

साधारण, आनन्दले भरिपूर्ण र शान्त जीवन जिउने तरिका छ र त्यसको साँचो मानिसका परम्परा र अपेक्षाहरूद्वारा नभई  पवित्र आत्माद्वारा कसरी अगुवाइ गरिने भनेर सिक्नु हो ।

जोएस मेएर, ख्रीष्टियान लेखिकासाथै वक्ता 

बदलाको अध्ययन गर्ने मानिसले आफ्नो घाउ हरियो राख्छ ।

फ्रान्सिस बेकन, दार्शनिक, वैज्ञानिकसाथै लेखक 

रूखको फलद्वारा रूखलाई चिनिन्छ । मानिसलाई उसका कामहरूद्वारा चिनिन्छ । असल काम कहिल्यै हराएर जाँदैन । शिष्टाचार रोप्नेले मित्रताको कटनी गर्छ र दयाको खेती गर्नेले प्रेम बटुल्छ ।

सन्त बासिल महान्, बिशपसाथै ईश्वरशास्त्री

भूगोलले हामीलाई छिमेकीहरू बनाएको छ । इतिहासले हामीलाई मित्रहरू बनाएको छ । अर्थतन्त्रले हामीलाई साझेदारहरू बनाएको छ र आवश्यकताले हामीलाई सहयोगीहरू बनाएको छ । परमेश्वरले यसरी सँगसँगै जोड्नुभएकाहरूलाई कुनै पनि मानिसले अलग नगरोस् ।

जोन एफ. केनेडी, अमेरिकाका पैँतिसौँ  राष्ट्रपति 

Leave Your Comments Here.