आत्मिक उद्धारले आचरणमा ल्याएको परिवर्तन

चारैतिर हिन्द महासागरले घेरिएर रहेको देश हो, माडागास्कर । अफ्रिका महादेशको दक्षिणमा पर्ने यो देशमा बाइबलले असाधारण परिवर्तन ल्याएको थियो । आज यो देशका झण्डै आधाजसो जनसङ्ख्याले येशूमाथि विश्वास गरेका छन् ।

यस टापुका स्थानीयहरूले पानीको बप्तिस्मा लिन लाग्दा तिनीहरूलाई प्राय: यसो भनेर सोधिन्थ्यो, “सर्वप्रथम कुन कुरोले तपाईंलाई ख्रीष्टियान बन्न प्रेरित गर्‍यो ?” सामान्य उत्तर हुन्थ्यो— ख्रीष्टियान भएकाहरूको जीवनमा आएको परिवर्तन । आफ्नो पुरानो धर्मलाई छाडी ख्रीष्टियान भएपछि तिनीहरूको जीवनमा आएको सुधारले गैरख्रीष्टियान स्थानीयहरूलाई आकर्षित गरेको थियो ।

बप्तिस्मा लिन लागेका मानिसहरूले भन्ने गर्थे, “मलाई थाहा छ कि यो मान्छे एक पटक चोर थियो; त्यो जँड्याहा थियो; अर्कोचाहिँ आफ्नो परिवारप्रति क्रूर र निर्दयी थियो । तर अहिले ती सबैका जीवन बद्लेका छन् । चोर इमान्दार बनेको छ; जँड्याहाले जाँड खान छोडेको छ र ऊ अब आदरणीय व्यक्ति बनेको छ; र अर्को मान्छे परिवारप्रति भद्र र दयालु बनेको छ । यो धर्ममा कुनै कुरो हुनैपर्छ जसले परिवर्तन ल्याउँछ ।”

Leave Your Comments Here.