यहूदी धर्मको दृष्टिमा येशू

ख्रीष्टियमतलाई जन्म दिने धर्म हो— यहूदी धर्म । करिब १४ करोड अनुयायीहरू भएको यस धर्मलाई अङ्गाल्नेहरू मूलत: इस्राएलमा बस्छन् यद्यपि सतावटको कारणले गर्दा यिनीहरू संसारैभरि छरपष्ट भएका थिए ।

येशूको मरियम नाम गरेको आमा हुनुहुन्थ्यो भनी प्राचीन यहूदीहरूले विश्वास गर्थे । प्राचीनसाथै आधुनिक दुवै थरीका यहूदीहरूले येशूलाई रब्बी र लोकप्रिय शिक्षकको रूपमा अङ्गाल्छन् । तर तिनीहरूले उहाँलाई पुरानो करारमा प्रतिज्ञा गरिएको मसीहको रूपमा भने स्वीकार गर्दैनन् ।

येशूका चेलाहरू थिए भनी तिनीहरू मानिलिन्छन् । पहिलो र दोस्रो शताब्दीको यहूदी साहित्यमा येशूको बारेमा केही नकारात्मक दृष्टिकोण पाइएको भए तापनि उहाँका वैरीहरूले पनि उहाँको आदर गर्थे ।

येशूसँग अलौकिक शक्ति थियो र उहाँले आश्चर्यकर्महरू गर्नुभयो भनी तिनीहरू स्वीकार गर्छन् । तर शक्तिको स्रोतको सम्बन्धमा नयाँ करारको अवधारणासित तिनीहरू राजी छैनन् । तिनीहरूले येशूलाई मसीहको रूपमा इन्कार गरे तापनि उहाँले यस्तो दाबी गर्नुभयो भन्ने कुरामा भने तिनीहरू सहमत छन् । येशूको पुनरुत्थानलाई इन्कार गरिए तापनि उहाँ क्रूसमा चढाइनुभएको थियो भन्ने बाइबलिय विवरणसित यहूदीहरू सहमत छन् ।

यसरी, यहूदी दृष्टिकोणमा येशू मरियमका पुत्र, लोकप्रिय शिक्षक, आदरणीय व्यक्तित्व र आश्चर्यकर्म गर्नुहुने जन हुनुहुन्छ । उहाँले आफू मसीह भनी हुँ भनी दाबी गर्नुभयो, उहाँ क्रूसमा टाँगिनुभयो, उहाँका चेलाहरूले उहाँ मृतकहरूबाट बौरी उठ्नुभयो भनी प्रचार गरे भन्ने कुरामा तिनीहरू विश्वास गर्छन् ।

Leave Your Comments Here.