बहाइ धर्मको हेराइमा येशू

बहाउल्लाह नाम गरेका व्यक्तिले उन्नाइसौँ शताब्दीमा यस धर्मलाई सुरु गरेका थिए । फारसमा आरम्भ भएको यस धर्मलाई अङ्गाल्नेहरूको सङ्ख्या लगभग ६ करोड छ ।

बहाइ धर्मले येशूलाई परमेश्वरको अवतारको रूपमा हेर्छ । येशू परमेश्वरबाट पठाइनुभएको थियो भन्ने यसको धारण रहेको छ ।

बाइबलले वर्णन गरेजस्तै येशू पवित्र आत्माबाट गर्भधारण हुनुभई कन्याबाट जन्मनुभएको थियो भनी यसले स्वीकार गर्छ । येशू संसारमा हुनुहुँदा उहाँले परमेश्वरको पक्षमा बोल्नुभयो भनी यसले उल्लेख गर्छ । वास्तवमा येशूका वचनहरूलाई परमेश्वरको वचनको रूपमा हेरिन्छ । येशू परमेश्वरबाट पठाइनुभएका बुद्धिमान् शिक्षक हुनुहुन्थ्यो र उहाँका वचनहरू परमेश्वरबाट आएको गहन बुद्धिले भरिएको थियो भनी वर्णन गरिएको छ ।

येशूसँग ईश्वरीय र मानवीय दुवै स्वभाव थियो भन्ने ख्रीष्टियान शिक्षासित बहाइ विश्वास मेल खान्छ । सिद्ध र अवर्णनीय परमेश्वर अनि मानव–जातिको बिचमा येशूलाई पुलको रूपमा हेरे बहाउल्लाहले ।

येशू संसारमा हुनुहुँदा उहाँले आश्चर्यकर्महरू गर्नुभयो भनी बहाइ विश्वासले स्वीकार गर्छ । बिरामीहरूलाई चङ्गाइ गर्ने र अन्धाहरूलाई दृष्टि दिन येशू सक्षम हुनुहुन्थ्यो भनी उल्लेख गरिएको छ ।

येशू मानव–जातिको पापको लागि क्रूसमा मर्नुभयो र बौरी उठ्नुभयो भन्ने आधारभूत ख्रीष्टियान विश्वासलाई बहाइ धर्मले पनि स्वीकार गर्छ ।

यसरी, बहाइ धर्मअनुसार येशू परमेश्वरको अवतार र आश्चर्यकर्म गर्नुहुने जन हुनुहुन्थ्यो । उहाँमा दुवै स्वभाव थियो र उहाँ कन्याबाट जन्मनुभयो अनि उहाँ पापको निम्ति क्रूसमा मर्नुभयो अनि बौरी उठ्नुभयो ।

Leave Your Comments Here.