स्टिभेन
म्याकडोनाल्ड न्युयोर्क पुलिस विभागका
गुप्तचर हुन् ।
१२ जुलाई १९८६
का दिन तिनी
आफ्ना सहकर्मीसँगै न्युयोर्कस्थित सेन्ट्रल पार्कमा गस्ती
गर्दै थिए ।
तिनीहरूले त्यहाँ साइकल चोरी
भएको खबर पाएका
थिए । १३–१५ वर्ष
उमेरका तिन जना
केटाहरू शंकास्पद देखिए ।
तिनीहरूसित सोधपुछ गर्ने क्रममा
साभोद जोन्स नाउँ
गरेका १५ वर्षे
ठिटोले म्याकडोनाल्डलाई तिन गोली
हान्यो । पहिलो
गोली आँखामाथि टाउकोमा,
दोस्रो गोली घाँटीमा
र तेस्रो गोली
मेरुदण्डमा लाग्न पुगे ।
तरै पनि म्याकडोनाल्ड मरेनन् ।
उपचारपश्चात्
डाक्टरहरूले म्याकडोनाल्डको जीवन बचाए
। तर त्यस
अनपेक्षित घटनाले तिनलाई सदाको
लागि पक्षाघाती बनाइदियो
। तिनले रेस्पिरेटर
(कृत्रिम रूपमा स्वासप्रश्वास गराउने
यन्त्र) को माध्यमद्वारा
मात्र सास फेर्न
सक्ने भए ।
ह्दयलाई
छिया–छिया बनाउने
यस्तो घटना त्यस
बेलामा घट्न पुगेको
थियो जुन बेला
म्याकडोनाल्ड बुबा बन्ने
तरखरमा थिए ।
आफ्नो जीवनमा जस्तोसुकै
परिस्थिति आइपरे तापनि बदला
तिनले चाहेको उत्तर
थिएन भनी भनी
तिनले निर्णय गरे
। ह्दयमा वैमनस्य
पाल्नुको साटो तिनले
आफूलाई गोली हान्ने
ठिटोलाई क्षमा दिए ।
तिनको क्षमा यति
पूर्ण थियो कि
जोनले झ्यालखानामा नै
जेल जीवन बिताइरहँदा
म्याकडोनाल्डले तिनलाई भेट्न खोजेका
थिए यद्यपि त्यो
सम्भव भएन ।
९
वर्ष जेल जीवन
बिताएपछि जोन रिहा
भए । तर
तिनी जेलमुक्त भएको
तिन दिनपश्चात् मोटरसाइकल
दुर्घटनामा परेर तिनको
निधन हुन पुग्यो
।
म्याकडोनाल्डका
मित्रसाथै पास्टर जे. सी.
अर्नोल्डद्वारा लिखित ह्वाइ फरगिभनेस
? नामक पुस्तकमा म्याकडोनाल्डले प्रस्तावना
लेखेका छन् जसमा
तिनले आफूले क्षमा
दिनुको कारणलाई सबिस्तार ढङ्गमा
प्रस्तुत गरेका छन् ।
क्षमा
येशूले सिकाउनुभएको र अभ्यास
गर्नुभएको एउटा उच्चतर
सद्गुण हो जसलाई
मनग्गे मानिसहरूले आफ्नो जीवनमा
उतारेका छन् ।
