येशू नै ख्रीष्ट हुनुहुन्छ भनी कसैलाई नभन्नू भनी किन उहाँले पटक–पटक आज्ञा दिनुभयो ?

कम से कम ६ पटक उहाँ को हुनुहुन्छ वा उहाँले के गर्नुभयो भनी नबताउनू भनी येशूले आज्ञा दिनुभएको छ ।

१. याइरसकी छोरीलाई पुनर्जीवन दिनुभएपछि (लूका ८:५६)

२. एक जना बहिरो र गुँगो मानिसलाई चङ्गाइ गर्नुभएपछि (मर्कूस ७:३६)

३. कुष्ठरोगीलाई निको पार्नुभएपछि (मत्ती ८:४)

४. येशूको रूप परिवर्तनभएपछि (मत्ती १७:९)

५. उहाँले आफूले चाहनुभएको मण्डली स्थापना गर्नेछु भन्नुभएपछि (मत्ती १६:२०)

६. उहाँले धेरैलाई निको पार्नुभएपछि (मत्ती १२:१६) 

यसको समाधानको लागि विभिन्न कुराहरूलाई याद गरिनुपर्छ । कसैलाई नबताउनू भन्ने येशूको आज्ञामा प्रायश: प्रस्ट वा अङ्कित गरिएको सर्त गाँसिएको छ । एक पटक येशूले आफ्ना चेलाहरूलाई प्रस्ट रूपमा भन्नुभयो, “मानिसको पुत्र मृतकबाट पुनरुत्थान नहोउञ्जेल तिनीहरूले जे देखेका थिए त्यो कसैलाई नभन्नू भनी आज्ञा दिनुभयो” (मर्कूस ९:९) । भिड पछि लाग्दा आफ्नो सेवामा बाधा पुग्छ भनेर भिडलाई पन्छाउन पनि कहिलेकाहीँ येशूले त्यस्तो आज्ञा दिनुभयो (मर्कूस ७:३६) । अर्को अवसरमा, चङ्गाइ प्राप्त कुष्ठरोगीलाई येशूले “कसैलाई नभन” भन्ने आज्ञा दिनुभएपछि लूका हामीलाई बताउँछन् कि “उहाँको चर्चा अझ बढी जताततै फिँजियो, र ठूला भीडहरू उहाँको कुरा सुन्न र आफ्ना–आफ्ना रोगहरूबाट निको हुन जम्मा भए” (लूका ८:१५) । अन्त्यमा, मसीहसम्बन्धी आफ्ना दाबीहरूलाई येशूले प्रदर्शन गर्न चाहनुभएन, खास गरी यहूदीहरूका बिचमा । मसीहको बारेमा तिनीहरूको बुझाइ गलत थियो । तिनीहरूले राजनीतिक मसीहको अपेक्षा गरिरहेका थिए जसले तिनीहरूलाई रोमको जुवाबाट छुटकारा दिन सकोस् । येशूले एक पटक थोरै खाने कुराको सहायताद्वारा ठुलो भिडलाई खुवाउनुभएकोले तिनीहरूले उहाँलाई राजा बनाउन खोजेका थिए (यूहन्ना ६:१४–१५) । त्यो उहाँको उद्देश्य थिएन । उहाँको उद्देश्य त मानव–जातिको पापको लागि मर्नुथियो ।

Leave Your Comments Here.