दशांश नदिने पास्टरले दशांश दिन थालेपछि ...

ब्रदर कुकेन्डलले अमेरिकाको टेक्सासमा पास्टरिय सेवा गरिरहेका थिए । कुनै एउटा स्टोर्सको संस्थापक एच. जेड. डुकले पास्टरलाई सोधे, “के तपाईं दशांश दिने कुरामा विश्वास गर्नुहुन्छ ?”

पास्टरबाट सकारात्मक जवाफ आएपछि डुकले फेरि सोधे, “के तपाईं यसको अभ्यास गर्नुहुन्छ त ?”

पास्टरले उत्तर दिए, “गर्दिनँ । म दशांश दिने कुरोमा विश्वास गर्दछु तर म यसलाई अभ्यास गर्न सक्दिनँ । घरमा मेरा तेह् जना सन्तान छन् । हरेक छाकमा हामी पन्ध्र जना खानलाई बस्छौँ । मेरो मासिक तनखा केवल १२५ अमेरिकी डलर छ जसको अर्थ हुन्छ वर्षमा १,५०० । निरन्तर यात्राको लागि मैले मेरो आफ्नै घोडा र बग्गीको लागि पनि खर्चको बन्दोवस्त गर्नुपर्छ । महिनामा प्राप्त १२५ अमेरिकी डलरले पन्ध्र जना परिवारका सबै आवश्यकताहरूलाई पूर्ति गरी दशांश छुट्टयाउन असम्भव छ । त्यसैले, म दशांश दिने कुरोमा विश्वास गर्दछु, यसको बारेमा प्रचार पनि गर्दछु तर म आफैले भने यसलाई व्यवहारमा उतार्न सक्दिनँ ।”

त्यसपछि डुकले भने, “तपाईंले आफ्नो तनखा पाउने बित्तिकै कम से कम १२.५० अमेरिकी डलर परमेश्वरको निम्ति छुट्टयाउन थाल्नुस् । अगुवाइ भयो भने तपाईंले बढी पनि दिन सक्नुहुन्छ । तपाईंलाई खाँचो पर्‍यो भने त्यसलाई पुरा गर्ने जिम्मा मेरो भयो । यो मेरो प्रतिज्ञा हो तपाईंलाई । मलाई यसो भनेर एउटा चिठी लेख्नुस्, ‘ब्रदर डुक, मैले दशांश दिँदै छु तर मलाई पैसाको अभाव भएको छ । मेरो परिवारलाई पैसाको आवश्यकता परेको छ । यो वर्ष मैले धेरै नै दिएको छु ।’ तपाईंको निम्ति चिठीमार्फत नै चेक राखेर पठाउने प्रतिज्ञा गर्दछु म । के तपाईं दशांश दिन इच्छुक हुनुहुन्छ ?”

ब्रदर कुकेन्डल निकै उत्साही भए । त्यसपछि तिनले दशांश दिन थाले । त्यो वर्ष परमेश्वरले अनपेक्षित तवरले तिनका सबै खाँचाहरू पुरा गरिदिनुभयो । त्यसैले तिनले डुकलाई कुनै पत्र लेख्नु परेन । वर्षको अन्त्यतिर तिनले महसुस गरे कि तिनले परमेश्वरको वचनमा भन्दा डुकको प्रतिज्ञामा बढी भरोसा गरेका रहेछन् । तिनले भने, “म मानिसको वचनमाथि भर परेँ तर परमेश्वरको वचनमाथि भर परिनँ । अब परमेश्वरका प्रतिज्ञाहरू प्रमाणित भएका छन् । उहाँले थोरै तनखाले मेरो ठुलो परिवारको हेरचाह गर्नुभएको छ । मेरो होस खुलेको छ ।”

Leave Your Comments Here.