इङ्गल्यान्डका राजा एडवार्डले वचनलाई आफ्नो जीवनमा लागु गर्न खोज्थे

ख्रीष्टाब्द १५३७ मा जन्मेका एडवार्ड छैटौँ नौ वर्षको उमेरमा इङ्गल्यान्डका राजा बने । तिनी इङ्गल्यान्डको पहिलो प्रोटेस्टेन्ट राजा हुन् । तिनकै समयमा इङ्गल्यानडमा सुधारवाद स्थापित भएको थियो । तिनले ६ वर्षसम्म मात्र शासन गरेको भए तापनि र १५ वर्षकै कलिलो उमेरमा तिनको निधन भए तापनि तिनको शासन कालले अङ्ग्रेज सुधारवाद र चर्च अफ इङ्गल्यान्डको संरचनामा दिगो योगदान पुर्‍याएको थियो । 

सोर्‍हौँ शताब्दीका यी राजा मण्डलीको आराधना सेवामा उपस्थित हुन्थे अनि परमेश्वरको वचन पाठ गरिँदा तिनी उठ्ने गर्थे । सेवामा तिनले नोट लेख्ने गर्थे र पछि ती नोटहरूलाई होसियारीपूर्वक अध्ययन गर्थे । हप्ताभरि नै ती वचनहरूलाई तिनले आफ्नो जीवनमा उतार्ने कोसिस गर्थे । निस्सन्देह, त्यो एउटा गम्भीर आदत थियो । त्यसैले याकूब भन्छन्, “वचन पालन गर्ने होओ, र सुन्ने मात्र भएर आफैलाई धोका नदेओ” (याकूब १:२२) ।  

Leave Your Comments Here.