क्रिस्टोफर कोलम्बसलाई सामुद्रिक यात्रा गर्ने प्रेरणा बाइबलले नै दिएको थियो

पन्ध्रौँ शताब्दीमा जन्मेका क्रिस्टोफर कोलम्बस इटालीका सामुद्रिक अन्वेषक थिए । तिनले चार पटक एटलान्टिक महासागर वारपार गरे । ख्रीष्टाब्द १४९२ मा तिनले पहिलो सामुद्रिक यात्रा थाल्दा जापान पुग्ने तिनको अपेक्षाको विपरीत तिनी नयाँ संसार पुगेका थिए । नयाँ संसार भन्नाले पश्चिमी गोलाद्र्धलाई बुझ्नुपर्छ जहाँ उत्तर र दक्षिण अमेरिकाको दुवै भुगोल पर्दछन् । तसर्थ, अमेरिकाको दुवै महादेश पत्ता लगाउने श्रेय कोलम्बसलाई नै जान्छ । 

इतिहासमा परमेश्वरले गर्नुभएका अद्भूत हस्तक्षेपहरूमध्ये कोलम्बसको सामुद्रिक यात्रा एक हो । अन्यजातिहरू परमेश्वरमा आउनेथिए भन्ने यशैयाका भविष्यवाणीहरू (जस्तै: ६०:३) बारे तिनी सचेत थिए । तिनले आफ्ना यात्राहरूलाई यी भविष्यवाणीहरूको समाप्तिको रूपमा हेरेका थिए ।

आफूले यात्रा सकेको एक दसकपछि तिनले लेखे, “इन्डिजमा सामुद्रिक यात्रा गर्ने विचार परमप्रभुले नै मेरो मनमा हालिदिनुभयो । मेरो परियोजनाको बारेमा सुन्ने सबैले नै मेरो उपहास गर्दै यसलाई हाँसोमा उडाइदिए । प्रेरणा पवित्र आत्माबाट नै आएको थियो भन्ने कुरोमा कुनै प्रश्न थिएन किनकि पवित्र धर्मशास्त्रका अद्भूत ज्योतिका किरणसहित उहाँले मलाई सान्त्वना दिनुभएको थियो । ... इन्डिजमा यात्रा गर्दा हाम्रा प्रभु येशू ख्रीष्टले प्रस्ट आश्चर्यकर्म गर्न चाहनुभएको थियो ।”    

Leave Your Comments Here.