बाइबलप्रति चासो नदेखाउने रकेट विज्ञानका पिताले पाए प्रभु येशूलाई

मण्डली र बाइबसित सम्बन्धित कुराहरूप्रति चासो नदेखाउने एक जना व्यक्ति ख्रीष्टाब्द १९४६ मा अरुचिपूर्वक अमेरिकाको टेक्सासस्थित एउटा मण्डलीमा गए । परिणामत: तिनले अपेक्षा नगरेको सम्पत्ति अर्थात् अनन्त जीवन पाए जसको बारेमा तिनी आफैले भनेका छन्:

“एक दिन फोर्ट ब्लिसमा एक जना छिमेकीले मलाई उहाँसँगै मण्डली जान अनुरोध गरे । मैले स्वीकार गरेँ किनकि अमेरिकाको मण्डली सामाजिक क्लबजस्तै छ कि छैन भनेर म हेर्न चाहन्थेँ । मण्डली क्लबजस्तै हो भन्ने मेरो बुझाइ रहेको थियो । मैले सोचेभन्दा विपरीत, मैले एउटा सानो सेतो भवन देखेँ । ... ती मानिसहरूको समुदाय जीवन्त र उत्साही थियो । धर्म भनेको विगतले सुम्पिदिएको ठुलो–ठुलो मण्डली भवन वा आखिरी घडीमा गरिने शीघ्र प्रार्थना होइन रहेछ भनी मैले पहिलो पटक वास्तवमै बुझेँ । प्रभावकारी हुनका लागि धर्मलाई अनुशासन र प्रयत्नद्वारा समर्थन गरिनुपर्छ ।”  

ख्रीष्टाब्द १९१२ मा जर्मनीमा जन्मेका ती मानिसको नाउँ हो— भोन बारुण । तिनी अन्तरिक्ष–यात्रासम्बन्धी इन्जिनिएरसाथै अन्तरिक्ष कालिगड हुन् । रकेटको प्राविधिक विकासमा तिनको उल्लेखनीय भूमिका रहेको छ । नासाले तिनलाई “रकेट विज्ञानका पिता” भनेको छ ।

ख्रीष्टियान भइसकेपछि बारुणले आफ्नो जीवनको पछिल्लो घडीमा धार्मिक क्षेत्रमा निकै चासो देखाए । विज्ञान र धर्मको पुरक, मृत्युपछिको जीवनसाथै परमेश्वरमाथि तिनको विश्वासबारे तिनले सार्वजनिक रूपमा बोले र लेखे । तिनले भनेका छन्, “विज्ञानद्वारा मान्छेले सृष्टिका रहस्यहरूबारे थप जान्न प्रयत्न गर्दछ । धर्मद्वारा उसले सृष्टिकर्ताबारे जान्ने कोसिस गर्दछ ।”    

Leave Your Comments Here.