हिन्दु धर्ममा जन्मेका कृष्णले गंगा नदीमा पानीको बप्तिस्मा लिए

ख्रीष्टाब्द १७६४ मा कृष्ण पलको जन्म भारतको कलकत्तामा भएको थियो । हिन्दु धर्ममा जन्मेका कृष्ण पेसाले सिकर्मी थिए । साँढे तिन दसकको उमेरमा काम गर्ने क्रममा तिनको पाखुरा भाँचिएपछि उपचारको लागि तिनी डाक्टर जोन थोमसकहाँ पुगे । थोमस सर्वप्रथम नेपाली भाषामा नयाँ करारलाई अनुवाद गर्ने विलियम केरीद्वारा स्थापित मिसनरी समाजका डाक्टर थिए ।

उपचारको क्रममा अर्का मिसनरी जोसुआ मार्सम्यानको सहायतामा डाक्टर थोमसले कृष्णलाई अझै घातक रोगको विषयमा बताए । त्यो रोग थियो, पाप । येशू ख्रीष्ट मानव–जातिको पापको लागि क्रूसमा मर्नुभयो भन्ने कथाले कृष्णको ह्दयलाई छोयो । त्यसपछि तिनले प्रभु येशूमाथि विश्वास गरे । ख्रीष्टाब्द १,८०० को डिसेम्बर महिनामा विलियम केरीको हातबाट तिनले गंगा नदीमा पानीको बप्तिस्मा लिए । यसरी, कृष्ण पल ब्याप्टिस्ट सम्प्रदायमा आउने पहिलो भारतीय ख्रीष्टियान मात्र बनेनन् तिनी मिसनरी केरीको सात वर्षे परिश्रमको पहिलो फल पनि बने । 

कृष्णले विश्वास गरेको केही समयपछि तिनका अन्य नातेदारहरूले पनि तिनकै पाइला पछ्याउँदै प्रभु येशू ख्रीष्टलाई अङ्गाले । तिनीहरू विश्वासी बनेको क्षणदेखि नै तिनीहरूले जातपातलाई मान्न इन्कार गरेका थिए । जुनसुकै जातको भए तापनि तिनीहरू सँगसँगै प्रभु–भोजमा सामेल हुन्थे ।

आफ्नो जीवन प्रभु येशूमा समर्पित गरेपछि कृष्ण एक प्रचारक बने । तिनी विभिन्न ठाउँमा सुसमाचार सुनाउन हिँडे । तिनले बङ्गाली भाषामा प्रसिद्ध भजनहरू पनि लेखेका छन् । तिनका कैयौँ भजनहरू अङ्ग्रेजी भाषामा पनि अनुवाद गरिएका छन् । प्रचारकसाथै भजन लेखक कृष्ण ख्रीष्टाब्द १८२२ मा आफ्नो अनन्त घरमा प्रस्थान गरे ।  

Leave Your Comments Here.