दुष्टयाइँबारे १३ ओटा भनाइहरू

दुष्टयाइँ असल कुरोको अनुपस्थिति हो ।

रोनाल्ड रोडस, रक्षाशास्त्री, लेखकसाथै वक्ता

दुष्टयाइँ पाखुरामा लागेको चोट वा वस्त्रमा किराले बनाएको प्वालजस्तै हो । यो अरूको कारणले गर्दा मात्र अस्तित्वमा छ, आफै अस्तित्वमा छैन ।

नर्मन गेइस्लर, रक्षाशास्त्री, दार्शनिक, ईश्वरशास्त्रीसाथै लेखक

दुष्टयाइँ भ्रम होइन, यो वास्तविक हो ।

नर्मन गेइस्लर तथा रोनाल्ड ब्रुक्स 

यदि परमेश्वर अस्तित्वमा हुनुहुन्न भने निरपेक्ष मापदण्ड छैन जसद्वारा कसैले कुनै कुरो (वा कोही व्यक्ति) लाई दुष्ट भनी न्याय गर्न सक्छ ।

रोनाल्ड रोडस, रक्षाशास्त्री, लेखकसाथै वक्ता

दुष्टयाइँको यथार्थताले वास्तवमा परमेश्वरको अस्तित्वलाई अप्रमाणित गर्नुको साटो उहाँको अस्तित्वको खाँचोलाई दर्शाउँछ ।

रोनाल्ड रोडस, रक्षाशास्त्री, लेखकसाथै वक्ता

यदि परमेश्वर पूर्णत: असल हुनुहुन्छ भने उहाँले दुष्टयाइँलाई पराजित गर्नुहुनेछ । यदि परमेश्वर सर्वशक्तिमान् हुनुहुन्छ भने उहाँले दुष्टयाइँलाई पराजित गर्न सक्नुहुन्छ । दुष्टयाइँलाई अझै पराजित गरिएको छैन । तसर्थ, परमेश्वरले एक दिन दुष्टयाइँलाई पराजित गर्न सक्नुहुन्छ र गर्नुहुनेछ ।

नर्मन गेइस्लर तथा रोनाल्ड ब्रुक्स
 

हाम्रो मार्गमा आइपरेका दर्दनाक परिस्थितिहरूलाई हामीले बुझ्न नसके तापनि तिनको अनुमतिको लागि उहाँ [परमेश्वर] सित कारण छ ।

रोनाल्ड रोडस, रक्षाशास्त्री, लेखकसाथै वक्ता

आज, मानिसहरू परमेश्वरको विरुद्धमा बागी बन्दै छन् । हामी उहाँलाई सराप्छौँ; उहाँको उपेक्षा गर्छौं; हाम्रो आज्ञा उल्लङ्घनलाई प्रदर्शन गर्छौं । घमन्ड, लालच र स्वार्थबाट प्रेरित भई मानिसहरू एकले अर्काको विनाश गर्छन् र परमेश्वरको पृथ्वीलाई जानाजानी दुरुपयोग गर्छन् र दुषित् पार्छन् । ... परमेश्वरले आफ्नो धैर्य नगुमाई हामी सबैलाई नष्ट पार्नुभएको छैन जुन उदेकको कुरो हो । दुष्टयाइँलाई अनुमति दिनुभएको लागि परमेश्वरलाई निन्दा गर्नुको साटो हामीले पाउनुपर्ने दण्डलाई उहाँले रोक्नुभएको लागि हामी उहाँप्रति धन्यवादी हुनुपर्छ ।

डन स्टोरी, रक्षाशास्त्रीसाथै लेखक

परमेश्वरले दुष्टयाइँको सम्भाव्यतालाई सृजनुभयो । मानव–जातिले त्यस सम्भावनालाई वास्तविक बनाइदिए । दुष्टयाइँको स्रोत परमेश्वरको शक्ति होइन तर मानव–जातिको स्वतन्त्रता हो । सर्वशक्तिमान् परमेश्वरले पनि यस्तो संसारको सृष्टि गर्न सक्नुहुन्थेन जसमा मानिससित विशुद्ध स्वतन्त्रता हुन्थ्यो र पनि पापको लागि सम्भाव्यता हुन्नथ्यो किनकि हाम्रो स्वतन्त्रतामा पाप गर्ने सम्भावना सामेल छ ।

पिटर क्रिफ्ट, रक्षाशास्त्री, दार्शनिकसाथै लेखक

परमेश्वर हाम्रो आनन्दमा कानेखुसी गर्नुहुन्छ; हाम्रो विवेकमा बोल्नुहुन्छ; तर हाम्रो दर्दमा चिच्च्याउनुहुन्छ । बैरो संसारलाई जगाउने यो उहाँको मेगाफोन (ठुलो आवाज बनाउने यन्त्र) हो ।

सी. एस. लेविस, साहित्यकारसाथै ख्रीष्टियान रक्षाशास्त्री

“ठिक यस सेवाअगि मैले एक जना जवान बहिनीलाई देखेँ र मैले उनलाई भनेँ, ‘तपाईंले कहिले प्रभुलाई पाउनुभयो ?’ उनले जवाफ दिइन्, ‘म बेस्सरी बिरामी हुँदा ।’ हो, प्राय: यस्तै समयमा प्रभुलाई पाइन्छ । हामीले परमेश्वरको विषयमा सोच्न सकूँ र हामी उहाँकहाँ फर्कन सकूँ भन्ने हेतुले परमेश्वरले हाम्रो शरीरलाई बिसन्चो पार्नुहुन्छ । ... महासङ्कष्ट कालो कुकुर हो जुन बरालिएका भेडाहरूको पछि दौडन्छ र तिनीहरूलाई असल गोठालोकहाँ फर्काएर ल्याउन कराउने काम गर्छ । हाम्रो आत्मालाई जोगाई त्यसलाई ख्रीष्टकहाँ ल्याउन सुधारको सजाय र पवित्र अनुशासनजस्ता कुराहरू भएकोमा म परमेश्वरलाई धन्यवाद दिन्छु ।

चाल्र्स स्परजिअन, पास्टर, लेखकसाथै प्रचारक   

दु:खकष्ट दुष्टयाइँलाई पराजित गर्ने परमेश्वरको तरिका हुन सक्छ ।

पिटर क्रिफ्ट, रक्षाशास्त्री, दार्शनिकसाथै लेखक

एक पटक कसैले बिल्ली ग्राहमलाई सोध्यो, “यदि ख्रीष्टियमत जायज छ भने संसारमा किन थुप्रै दुष्टयाइँ छन् त ?” प्रसिद्ध प्रचारकले जवाफ दिए, “थुप्रै साबुनका बाबजुत पनि संसारमा किन धेरै मानिसहरू फोहोरी छन् त ? ख्रीष्टियमत साबुनजस्तै हो र यदि यसले हाम्रो जीवनमा भिन्नता ल्याउने हो भने यसलाई व्यक्तिगत रूपमा लागु गरिनुपर्छ ।”

बिल्ली ग्राहाम, सर्वश्रेष्ठ प्रचारक 

Leave Your Comments Here.