एउटी ठिटीको पैसाद्वारा किनिएको पर्चाले धेरै मानिसहरूलाई प्रभुमा डोर्‍यायो

एक सानी ठिटीले प्रभुलाई औधी माया गर्थिन् । मानिसहरूलाई ख्रीष्टको सन्देश बाँड्ने उनको चाह थियो । उनले थोरै पैसा एक जना मिसनरीलाई दिइन्, बर्माका मानिसहरूलाई सुसमाचार सुनाउनका लागि । ती सानी केटीको प्रतिक्रिया देखेर ती मिसनरी अत्यधिक प्रभावित भए र उक्त पैसाले तिनले सके जति गर्ने निर्णय लिए ।

होसियारीपूर्वक सोच विचार गरेपछि ती मिसनरीले एउटा सुसमाचारीय पर्चा किने र आफ्नै हातले तिनले त्यो पर्चा एक जना मुखियालाई दिए । ती मुखियाले आफूले पढ्न नसक्ने तथ्यलाई स्वीकारे यद्यपि त्यहाँ के लेखिएको थियो भनेर जान्न भने तिनी निकै उत्सुक थिए । पढ्न सक्ने मान्छेको खोजीमा ती मुखियाले २५० माइलको यात्रा गरे । सुसमाचारको सन्देश सुनेको केही समय बितेपछि ती मुखियाले येशूलाई आफ्नो प्रभु र मुक्तिदाता भनी स्वीकार गरे ।

मुखिया आफ्ना मानिसहरूकहाँ फर्के र प्रभुले तिनको जीवनको गरेको कुरो तिनले आफ्ना मानिसहरूलाई बताए । पछि तिनले मिसनरीहरूलाई आफ्नो गाउँमा निमन्त्रणा दिए, येशूको बारेमा बताउन । तिनका जातिका धेरै मानिसहरूले सुसमाचारलाई स्वीकार गरी येशूलाई अङ्गाले ।

यी सबै नतिजा हात पार्नुको पछाडिको कारण ती केटीले ह्दयदेखि नै दिएको त्यही थोरै पैसा थियो ।   

Leave Your Comments Here.