मान्छेको मासु खाने टापुवासीहरूलाई बदल्यो येशूको सुसमाचारले

प्रशान्त महासागरको दक्षिणमा पर्ने टापुहरूले बनेको देशको नाउँ हो, फिजी । एक जना कलेजका प्राध्यापक त्यहाँ पुगे जो धार्मिक दृष्टिकोणबाट अज्ञेयवादी थिए । परमेश्वर हुनुहुन्छ या हुनुहुन्न भनेर जान्न सकिँदैन भनी विश्वास गर्ने व्यक्तिलाई अज्ञेयवादी भनिन्छ ।

ती अज्ञेयवादी प्राध्यापकले एक जना मुखियालाई भने, “तपाईं महान् अगुवा हुनुहुन्छ । तर मिसनरीहरूले तपाईंलाई पङ्गु बनाएकोमा मलाई दु:ख लागेको छ । तपाईंलाई प्रयोग गरेर तिनीहरू केवल धनी हुन चाहन्छन् । अब बाइबललाई कसैले विश्वास गर्दैन । ख्रीष्ट येशू मानव–जातिको पापको लागि क्रूसमा मर्नुभयो भन्ने थोत्रो कथा सुनेर मानिसहरू वाक्क भइसकेका छन् । तिनीहरूका कथालाई स्वीकार गरेर तपाईं पटमूर्ख हुनुभएकोमा मलाई दु:ख लगेको छ ।”

ती पाका मुखियाले जवाफ दिए, “त्यो ठुलो चट्टानलाई तपाईं देख्नुहुन्छ ? त्यहाँ हामीले हाम्रा मानिसका शिरहरूलाई धुजाधुजा बनाउँथ्यौँ । त्यहाँ नजिकै भएको आगोको भट्टीलाई देख्नुहुन्छ ? त्यहाँ हामीले हाम्रा शत्रुका शरीरहरूलाई जलाउँथ्यौँ । यदि ती मिसनरीहरूले बताएको येशूको प्रेमद्वारा हामी मान्छेको मासु खाने जातिबाट ख्रीष्टियानमा परिवर्तन नभएको भए तपाईं यहाँबाट कहिल्यै जिउँदै फर्केर जान सक्नुहुन्नथ्यो । हाम्रा मानिसहरूले तपाईंलाई खाइदिन्थे । त्यसैले, सुसमाचारको लागि प्रभुप्रति धन्यवादी हुनुस् । बाइबलको कारणले गर्दा हामी नबद्लिएको भए तपाईं हाम्रो खाना बन्नुहुन्थ्यो ।”       

Leave Your Comments Here.