अनाथ ठिटो जो ख्रीष्टको सुसमाचारद्वारा महान् शान्तिवादी कहलाइए

एक दिन एक जना अनाथ केटो सडकमा हिँडिरहेका थिए । तिनले नजिकै एउटा पाल देखे जहाँ मानिसहरूले गित भजन गाउँदै थिए । त्यो बिदाको बेलामा सञ्चालन गरिने बाइबल स्कुल रहेछ ।

ठिटा पालभित्र प्रवेश गरे । त्यहाँ अमेरिकाका मिसनरी सी. ए. लोगानले प्रचार गरिरहेका थिए । वक्ताले मानव–जातिको निम्ति ख्रीष्टले गर्नुभएको प्रेम र अन्य बलिदानहरूको बारेमा बताउँदै थिए । उक्त वचनले ठिटाको ह्दयमा आनन्दको अनुभूति गरायो ।

वक्ताले ती अनाथ केटोलाई डा. एच. डब्लु. मेएर्ससित परिचित गराए । अङ्ग्रेजी सिक्ने उद्देश्यले ती ठिटा मेएर्सकहाँ धाए । मेएर्सले ठिटोलाई भने, “अङ्ग्रेजी सिक्नका लागि तिमीलाई मदत गर्न म इच्छुक छ । तर डाँडाको उपदेशबाट तिमीले केही पदहरू कण्ठस्थ गर्‍यौ भने तिमीलाई सजिलो हुनेछ ।” जब ठिटाले डाँडाको उपदेशबाट ती उदेकका पदहरू पढ्न थाले विश्वको सृष्टिकर्ता त तिनका पिता हुनुहुँदोरहेछ जो स्वर्गमा बस्नुहुँदोरहेछ भनी तिनले पत्ता लगाए । एउटा अनाथ केटोले परमेश्वरलाई पिताको रूपमा आविष्कार गर्नुभन्दा अचम्मको खोज के हुन सक्छ र ? तिनी निकै खुसी भए ।

डाँडाको उपदेशका केही पदहरूलाई पढ्न थालेपछि तिनले जीवनमा नयाँ अर्थ पाए । तिनले जे पढिरहेका थिए त्यो साँचो थियो भनी तिनलाई थाहा थियो । त्यसैले तिनले गोप्य रूपमा परमेश्वरलाई यसो भन्दै प्रार्थना चढाउन थाले, “हे परमेश्वर, मलाई असल केटो बनाउनुहोस् । आमेन् ।”

पछि ती ठिटोले येशूमाथि विश्वास गरे अनि पन्ध्र वर्षको उमेरमा बप्तिस्मा लिए । ती अनाथ केटोको नाउँ हो, तोयोहिको कागवा । ख्रीष्टाब्द १८८८ मा जापानमा जन्मेका कागवा ख्रीष्टियान शान्तिवादी, सुधारक, उपन्यासकारसाथै श्रम अभियन्ता हुन् । तिनी १५० ओटा भन्दा बेसी कृतिका लेखक हुन् ।

  

Leave Your Comments Here.