१७ पटक जेल परेका ओस्कार पवित्र आत्माको शक्तिद्वारा बद्लिए

जीवन रूपान्तरण गर्ने पवित्र आत्माको शक्ति ओस्कार सर्भेन्टिसको जीवनमा छर्लङ्ग हुन्छ । सानै उमेरदेखि ओस्कारले कठिन परिस्थितिहरूको सामना गरेका थिए । ठुलो भएपछि तिनी अपराधमा संलग्न भए र पाशविक अपराधहरूको कारणले गर्दा तिनी १७ पटक झ्यालखानामा परे । झ्यालखानाका मनोवैज्ञानिकहरूले तिनको जीवनमा अब कुनै आशा छैन भनी बताएका थिए । तर तिनीहरू गलत साबित भए !

छोटो समयको लागि ओस्कार जेलमुक्त हुँदा तिनले एक जना पाको मान्छेलाई भेटे जसले तिनलाई येशू ख्रीष्टको बारेमा बताए । ओस्कारले आफ्नो भरोसा येशूमाथि राखे र तिनी दयालु र वास्ता गर्ने मान्छेमा परिवर्तन भए । येशू रूपान्तरणकर्ता पनि हुनुहुन्छ । आफूले परिवर्तनको महसुस गरेको केही समय बितेपछि तिनले झ्यालखानाका बन्दीहरूको लागि एउटा सेवा–कार्यको थालनी गरे । ओस्कार बन्दीहरूका बिचमा जान्थे र तिनको उपदेश सुन्न तिनीहरू झुम्मिन्थे । तिनीहरूले जोसका साथ सुसमाचारीय भजनहरू गाउँथे । वर्षौंको परामर्शद्वारा विशेषज्ञहरूले ओस्कारको निम्ति जे गर्न सकेका थिएनन् ख्रीष्टको आत्माले एकै क्षणमा गरिदिनुभयो । ओस्कार बद्ले र तिनले बन्दीहरूलाई बदल्न खोजे ।

येशू भन्नुहुन्छ, “हे सबै थाकेका र बोझले दबिएका हो, मकहाँ आओ, म तिमीहरूलाई विश्राम दिनेछु । मेरो जुवा आफूमाथि लेओ, र मसँग सिक, किनभने म विनम्र र कोमल हृदयको छु, अनि तिमीहरूले आफ्ना आत्मामा विश्राम पाउनेछौ । किनकि मेरो जुवा सजिलो छ, र मेरो भारी हलुको छ ।”

Leave Your Comments Here.