ख्रीष्टको प्रेमले सहरको मुहारलाई परिवर्तन गर्‍यो

बैङ्कमा काम गर्ने एक जना यहूदी कर्मचारीले भनेको कथा हो यो । तिनी यस कथाका प्रत्यक्षदर्शी हुन् । यस कथाले समाज परिवर्तनमा ख्रीष्टको शक्तिलाई छर्लङ्ग पार्छ ।

केही वर्षअगि बैङ्कको लागि अध्ययनको सिलसिलामा एक जना यहूदी पोर्टो रिको पुगे । पोर्टो रिको क्यारेबियनमा पर्ने संयुक्त राज्य अमेरिकाको एउटा क्षेत्रको नाउँ हो । त्यो सबैभन्दा घिनलाग्दो सहर थियो । ती कर्मचारीको लागि यो अकल्पनीय सहर थियो ।

ती कर्मचारी दुई वर्षपश्चात् फेरि त्यहीँ पुगे । त्यहाँको परिवर्तन देख्दा ती कर्मचारी तिन छक खाए । हरेक कुरो परिवर्तन भएको थियो । सडकहरू सफा थिए । परिवर्तनको लागि मानिसहरू गर्व गर्थे । केले त्यो विस्मयकारी परिवर्तन ल्याएको होला भन्ने विषयमा ती कर्मचारीले जान्न चाहे । सहरमा नयाँ मायोर आएकोले हो त ? वा सहरमा नयाँ परिष्द खडा गरिएकोले हो त ? कदापि होइन ।

एक जना ख्रीष्टियान मिसनरी सहरको मुटुमा बस्न आएका थिए जसले त्यहाँ मिसनको थालनी गरेका थिए । ख्रीष्टको प्रेम र ख्रीष्टलाई गरिएको प्रेमले सहरको मुहार पनि परिवर्तन हुँदोरहेछ भनी ती कर्मचारीले आविष्कार गरे ।    

Leave Your Comments Here.