भित्तामा टाँसिएका बाइबलका वचनहरूलाई पढेर मानिसहरू प्रभुमा आए

रोबर्ट जे. थोमस (ख्रीष्टाब्द १८३९–१८६६) कोरियामा सहिद हुने प्रथम प्रोटेस्टेन्ट ख्रीष्टियान मिसनरी हुन् ।

१८३६ मा थोमस बेइजिङ गए जहाँ तिनले कोरियाका दुई जना व्यापारीहरूलाई भेटे । ती व्यापारीहरूले तिनलाई क्याथोलिक धर्ममा आएका मानिसहरूको बारेमा बताए जससित कुनै बाइबल थिएन । थोमस स्कटल्यान्डको बाइबल सोसाइटीको प्रतिनिधि बनेर कोरियातर्फ लागे, बाइबल बेच्नका लागि ।

पछि थोमसले एउटा अमेरिकी डुङ्गामा काम पाए । त्यो डुङ्गा कोरियाको चारैतिर यात्रा गर्दा तिनले बाइबल वितरण गर्ने गर्थे । तर पेङ्गयोङ्ग नजिकै जब त्यो डुङ्गा कोरियाको सेनाको विरुद्धमा युद्धमा संलग्न भयो थोमस आफूसित भएका बाइबलहरू बोकी डुङ्गाबाट हाम्फाले र तटमा रिसाएर बसिरहेका मानिसहरूलाई तिनले ती बाइबलहरू थमाइदिए ।

ती बाइबलहरू नष्ट गर्न कोरियाका अधिकारीहरूले मानिसहरूलाई आदेश दिए । तर केही मानिसहरूले बाइबलका पानाहरूलाई भित्ता सिँगार्नको लागि भित्तामा टाँसे । समत बित्दै गयो । पछि केही मिसनरीहरू त्यहाँ आउँदा तिनीहरूले मण्डली स्थापना भइसकेको पाए ।

वास्तवमा भित्ता सिँगार्न टाँसिएका ती बाइबलका वचनहरूले केहीको ह्दयलाई छोएका थिए । परिणामत: त्यहाँ मण्डली खडा हुन पुग्यो । सही जमिनमा रोपिएको बिउ त्यसै खेर जाँदैन बरु त्यसले दस गुणा, बिस गुणा र तिस गुणा फल फलाउँछ ।      

Leave Your Comments Here.