बाइबलको वचनले क्रूर जातिलाई विनम्र जातिमा परिवर्तन गर्‍यो

ख्रीष्टाब्द १७९५ मा स्कटल्यान्डमा जन्मेका रोबर्ट मोफाट दक्षिण अफ्रिकामा मिसनरी भएर गएका थिए । तिनी विख्यात मिसनरी डेभिड लिभिङ्गस्टोनका ससुरा हुन् । तिनी सेत्सवाना नामक स्थानीय भाषामा बाइबल अनुवाद गर्ने प्रथम अनुवादक हुन् । तिनले बाइबललाई स्थानीय भाषामा अनुवाद गरी त्यहाँका असभ्य मानिसहरूलाई बाइबल पढ्न सिकाए । सुसमाचारले ती स्थानीयहरूको जीवनमा ल्याएको उल्लेखनीय परिवर्तनलाई तिनले अवलोकन गरे । ती जङ्गली मानिसहरू पहिले क्रूर थिए तर अब तिनीहरूले आफ्ना शत्रु, कमजोर र सहाराविहीनहरूलाई दया माया देखाउन थाले ।

एक दिनको कुरो हो । एक जना स्थानीय बासिन्दा डोरीले बाँधेको एउटा कुकुरलाई लिएर दौडदै रोबर्टकहाँ आयो । उसको भनाइ थियो, “मेरो सबैभन्दा राम्रो शिकारी कुकुर बर्बाद भएको छ र यो तपाईंको कारणले गर्दा हो ।”   

मोफाटले कुकुरलाई जाँच गरिसकेपछि जवाफ दिए, “म त केही खराबी भएको देख्दिनँ ।”

तर स्थानीयले भन्यो, “तर मलाई थाहा छ कि यसमा समस्या आएको छ । तपाईंले मलाई दिनुभएको बाइबलका केही पानाहरूलाई यसले खाएको छ ।”

त्यसपछि मोफाट बेसरी हाँसे, “त्यसले केही चोट पुर्‍याउँदैन ।”

त्यस मान्छेले तर्क गर्‍यो, “अवश्य यसले चोट पुर्‍याउँछ । मानिसको ह्दयमा बाइबलको वचन पुगेपछि यसले क्रूर योद्धालाई नम्र र शान्त छिमेकीमा परिवर्तन गरेको मैले देखेको छु । यदि यसले मान्छेलाई त्यसो गर्छ भने कुकुरलाई किन गर्दैन ? मलाई थाहा छ कि अब मेरो यो कुकुर कहिल्यै असल शिकारी कुकुर बन्दैन ।”

Leave Your Comments Here.