प्रतिभाशाली लेखक स्कटले आफ्नो मृत्युको घडीमा बाइबललाई छाने

सर वाल्टर स्कट ऐतिहासिक उपन्यासकार, नाटककार र कवि थिए । ख्रीष्टाब्द १७७१ मा स्कटल्यान्डमा जन्मेका स्कटका उपन्यास र कविताहरू अझै पनि पढिन्छन् । अहिले पनि तिनका कैयौँ कृतिहरू अङ्ग्रेजी साहित्यमा उत्कृष्ट पुस्तकहरूको सूचीमा छन् । साहित्यिक दुनियाँमा प्रशंसा बटुलेका स्कट वकिलसाथै न्यायाधीश पनि थिए । तिनले साठीभन्दा बेसी कृति छाडेर गएका छन् । 

स्कट आफ्नो मृत्युको घडीतिर लम्कँदै थिए । आफ्नो मृत्यु शैय्यामा पल्टिरहँदा स्कटले आफ्नो बृहत् पुस्तकालयबाट आफ्ना ज्वाइँ जोन जी. लोकहार्टलाई “त्यो पुस्तक” ल्याउन अनुरोध गरे । लेखकसाथै सम्पादक लोकहार्टले स्वाभाविक रूपमा प्रश्न गरे, “कुनचाहिँ पुस्तक सर वाल्टर ?” पवित्र बाइबललाई देखाउँदै स्कटले जवाफ दिए, “त्यहाँ एउटै मात्र ‘त्यो पुस्तक’ छ ।” आफ्नो पुस्तकालयमा भएका आफैले लेखेकासहित हजारौँ उकृष्ट पुस्तकका बिचमा आफ्नो मृत्यु शैय्यामा बाइबललाई छानी प्रतिभाशाली लेखक सर वाल्टरले सही मूल्याङ्कन गरे । बाइबल तिनको पुस्तकालयमा मात्रै नभई संसारभरि नै श्रेष्ठतम पुस्तक हो ।

Leave Your Comments Here.