येशू अद्वितीय हुनुहुन्छ ।
हिजो हामीले येशूको गर्भधारणबारे हेरेका थियौँ । उहाँ पवित्र आत्माद्वारा जसरी
मरियमको गर्भमा आउनुभएको थियो, त्यो अद्वितीय छ
।
आज हामी तेस्रो बुादामा छौँ: उहाँको जीवनमा येशू अद्वितीय हुनुहुन्छ ।
३. उहाँको जीवनमा येशू अद्वितीय हुनुहुन्छ
गालीलको कानामा गरिएको येशूको पहिलो आश्चार्यकर्म (यूहन्ना २:११) देखि नै
उहाँको सेवा-कार्य
आश्चर्यकर्महरूद्वारा गाँसिएको थियो । उहाँका आश्चर्यकर्महरू भ्रान्तिमूलक रोगका
चङ्गाइहरू थिएनन्, न त ती प्राकृतिक
नियमहरूद्वारा व्याख्या गर्न सकिने खालका थिए । तिनीहरू अद्वितीय थिए किनकि
तिनीहरू तुरुन्त, सधैँ सफलदायी,
पुनरावर्तन गर्न नसकिने र औषधीद्वारा निको
पार्न नसकिने खालका थिए । उहाँले मरेकाहरूलाई आफ्नै शक्तिद्वारा
पुनर्जीवित पार्नुभयो ।
येशूले पानीलाई दाखमद्यमा परिणत गर्नुभयो (यूहन्ना २:७ उप्रान्त); उहाँ पानीमाथि हिँड्नुभयो (मत्ती १४:२५);
उहाँले दृष्टिविहीनहरूका आँखा खोलिदिनुभयो
(यूहन्ना ९:७ उप्रान्त); उहाँले
भूतात्माहरू निकाल्नुभयो (मर्कूस ३:१० उप्रान्त); उहाँले सबै किसिमका रोगहरू निको पार्नुभयो (मत्ती ९:३५);
उहाँ मसीह हुनुहुन्छ कि हुनुहुन्न भनी उहाँलाई
सोध्दा उहाँले आफ्ना आश्चर्यकर्महरूलाई समर्थन गर्ने साक्षीको रूपमा प्रस्तुत
गर्नुभयो, “तिनीहरूले सुनेका र
देखेका कुराहरू यूहन्नालाई भनिदेओ, अन्धाहरूले
दृष्टि पाउँछन्, र लङ्गडाहरू
हिँड्दछन् । कुष्ठरोगीहरू शुद्ध पारिएका छन् । बहिराहरू सुन्न सक्ने भएका छन् ।
मरेकाहरू जीवित भई उठेका छन्, र दरिद्रहरूलाई
सुसमाचार प्रचार गरिँदैछन्” (मत्ती ११:४-५) ।
आश्चर्यकर्म भनेको घटनाहरूको सामान्य गतिमाथि हस्तक्षेप गर्ने परमेश्वरको एउटा
विशेष कार्य हो । येशूले गर्नुभएका थुप्रै आश्चर्यकर्महरूलाई सुसमाचारीय
पुस्तकहरूले अभिलिखित गरेका छन् । नेपाल बाइबल सोसाइटीद्वारा प्रकाशित पवित्र बाइबल (ख्रीष्टाब्द २०१२) ले येशूले गर्नुभएका ३५ ओटा आश्चर्यकर्मको
सूची दिएको छ । आफ्नो ईश्वरत्वको पुष्टि गर्नको लागि येशूले आफ्नो सेवा अवधिमा
आश्चर्यकर्महरू गर्नुभयो भनी धर्मशास्त्रले बताउँछ । उहाँका आश्चर्यकर्महरूले
विभिन्न हातामाथि भएको उहाँको शक्तिलाई प्रदर्शित गर्छन्— प्रकृति, रोग, भूतात्मा, सृष्टिसाथै मृत्यु ।
उहाँका आश्चर्यकर्महरू ऐतिहासिक थिए भन्नाका लागि निम्न लिखित कारणहरू दिन
सकिन्छन्:
- नयाँ करारको विश्वसनियताले उहाँका आश्चर्यकर्महरूको पुष्टि गर्छन् ।
- बाइबलेतर स्रोतहरूले उहाँका आश्चर्यकर्महरूको पुष्टि गर्छन् ।
- उहाँका वैरीहरूको स्वीकारले उहाँका आश्चर्यकर्महरूको पुष्टि गर्छन् ।
- हजारौँका गवाहीले उहाँका आश्चर्यकर्महरूको पुष्टि गर्छन् ।
- ऐतिहासिकताको समावेशले उहाँका आश्चर्यकर्महरूको पुष्टि गर्छ ।
तब हामी भन्न सक्छौँ कि येशूले दृष्टिविहीनहरूलाई दृष्टि दिनुभयो; बैराहरूलाई पुन: सुन्ने बनाउनुभयो; लङ्गडाहरूलाई हिँड्न सक्षम तुल्याउनुभयो;
कुष्ठरोगीहरूलाई शुद्ध पार्नुभयो; भूतात्मा लागेकाहरूलाई निको पार्नुभयो र ती
प्रस्ट रूपमा मरेकाहरूलाई पुनर्जीवन दिनुभयो ।
येशूले जस्तै कसैले गरेन । कसैले उहाँले जस्तै जीवन जिएन । उहाँ अद्वितीय
हुनुहुन्छ ।
क्रमश: ...
