हिजो यस ब्लगमा यस सिकारुले येशू ख्रीष्ट कहिले जन्मनुभयो ?
(भाग १) भन्ने शीर्षकमा एउटा रचना पोस्ट गरेको थियो ।
यो आलेख त्यसैको निरन्तरता भएकोले यसलाई भाग २ भनिएको हो । येशू ख्रीष्टको
जन्मबारे उपलब्ध बाइबलीयसाथै बाइबलेतर विवरणहरूलाई विश्लेषण गर्दा अधिकांश बाइबल
विद्वान्हरूको बुझाइअनुसार येशू ख्रीष्ट ६-४ ख्रीष्टपूर्वको बिचमा जन्मनुभएको थियो भनी हिजो हामीले
निष्कर्ष निकालेका थियौँ । आज हामी उहाँको जन्मको समयलाई पत्ता लगाउने
दोस्रो विधिलाई केलाउनेछौँ । यस विधिले येशूले सेवा सुभारम्भ गर्नुभएको उहाँको
उमेरबाट पछाडि फर्की उपलब्ध विवरणहरूलाई विश्लेषण गर्छ ।
लूका ३:२३ मा लेखिएको छ, “येशूले आफ्नो
सेवाकार्य आरम्भ गर्नुहुादा उहाँ करीब तीस वर्षका हुनुहुन्थ्यो ।” बप्तिस्मा-दिने यूहन्नाबाट बप्तिस्मा लिनुभएपछि येशूले आफ्नो सेवा-कार्यको थालनी गर्नुभयो भनी हामीलाई थाहा छ । “कैसर तिबेरिअसको शासनकालको पन्ध्रौँ वर्षमा”
बप्तिस्मा-दिने यूहन्नाले सेवा आरम्भ गरेका थिए भनी लूका अभिलिखित
गर्छन् (लूका ३:१-२) । तिबेरिअसको
शासनकालको पन्ध्रौँ वर्ष भनेको ख्रीष्टाब्द २८-२९ तिरको कुरो हो । यस मितिलाई आधार मानी हामीले पछाडि
फर्केर गणना गर्ने हो भने येशू १ ख्रीष्टपूर्वमा जन्मेको जस्तो देखिन्छ । तथापि,
पदावली “करीब तीस वर्ष” लाई ३२ वर्ष जति मान्ने हो भने उहाँको जन्म मत्तीले भनेजस्तै हेरोद राजाको
शासन कालमा नै भएको थियो भनी निष्कर्ष निकाल्न सकिन्छ । स्मरण रहोस्, हेरोद ४ ख्रीष्टपूर्वमा मरेका थिए ।
यूहन्नाको सुसमाचारमा पनि येशूको जन्मलाई पत्ता लगाउने एउटा सङ्केत पाइन्छ,
“तब यहूदीहरूले भने, ‘यस मन्दिरलाई निर्माण गर्न छयालीस वर्ष लाग्यो, र के तपाईं यसलाई तीन दिनमा खडा गर्न
सक्नुहुन्छ र’ ?” (यूहन्ना २:२०) ।
येशूले आफ्नो सेवा-कार्य
थाल्नुहुादा यरूशलेमको मन्दिर निर्माण कार्य जारी थियो र यो छयालिसौँ वर्षमा पुगेको थियो । विद्वान्हरूको गणनाअनुसार यो भनेको ख्रीष्टाब्द २७-२९ सालतिरको कुरो थियो ।
निष्कर्षमा, येशूको जन्मको
समयलाई निर्धारण गर्ने दुवै विधिबाट हामी लगभग उही निष्कर्षमा पुग्छौँ अर्थात् उहाँ ६-४ ख्रीष्टपूर्वको
बिचमा जन्मनुभयो ।
(स्रोत: https://en.wikipedia.org/wiki/Date_of_birth_of_Jesus)
