मानव-जाति पापमा नफसेको भए,
के हुन्थ्यो होला ? येशूको पहिलो आगमनको प्राथमिक उद्देश्य उहाँको निष्पाप
बलिदान नै भएकोले सायद उहाँ आउनु पर्दैनथ्यो कि ? येशू आफैले भन्नुभयो, “मानिसको पुत्र पनि सेवा पाउनलाई होइन तर सेवा गर्न र धेरैको
छुटकाराको मोल स्वरूप आफ्नो प्राण दिन आयो” (मत्ती २०:२८) । उहाँ हामी पापिष्ठ मानिसहरूलाई क्षमा दिन
आउनुभयो ।
एक जना व्यक्तिको भनाइअनुसार क्षमा भनेको तपाईंले मलाई चोट पुर्याउनुभएकोले
तपाईंलाई चोट पुर्याउने मेरो अधिकारलाई त्याग गर्नु हो । मानिसले आज्ञा उल्लङ्घन
गरेकोले ऊ दण्डको भागिदार थियो । तर परमेश्वरले हामीलाई दण्ड दिने आफ्नो अधिकारलाई
कार्यान्वन गर्नुभएन । क्षमासम्बन्धी यहाँ एउटा घतलाग्दो उदाहरण छ
।
अमेरिकी क्रान्तिकारी युद्ध (ख्रीष्टाब्द १७७५-१७८३) को समयमा पेन्सलभेनियामा पिटर मिलर नाउँ गरेका पास्टर
बस्थे । तिनको समुदायमा हरेक व्यक्तिले तिनको आदर गथ्र्यो र तिनलाई माया गथ्र्यो
तर तिनको मण्डली नजिकै एक जना मान्छे बस्थ्यो जसले तिनलाई घृणा गथ्र्यो ।
परमेश्वरका सेवकलाई उसले गर्ने दुव्र्यवहारको कारणले उसले कुख्याती कमाएको थियो ।
उसले मण्डलीलाई मात्र घृणा गर्दैनथ्यो तर पछि थाहा हुन आयो कि त्यो त राष्ट्रघाती
पनि रहेछ । ऊ देशद्रोहमा दोषी ठहरियो अनि उसलाई मृत्युदण्ड तोकियो ।
उसको मुद्दाको बहस फिलाडेल्फियामा भएको थियो । पास्टर मिलरले यस विषयमा
सुन्नेबित्तिकै तिनी सेनापति वासिङ्गटनलाई भेट्न पैदलै हिँडेर गए । पास्टरले
वासिङ्गटनलाई उक्त मानिसलाई क्षमा दिइओस् बिन्ती गरे । तर वासिङ्गटनले भने,
“तपाईंको मित्रको निम्ति तपाईंले गर्नुभएको
बिन्तीलाई म स्वीकार गर्न सक्दिनँ । मलाई माफ गर्नुस् ।”
“मित्र !” मिलर चिच्च्याए, “त्यो मान्छे त
संसारभरिमा नै मेरो सबैभन्दा खराब शत्रु हो ।”
“के भन्नुभाको ?” छक्क पर्दै
सेनापतिले भने, “शत्रुको जीवन
बचाउनका लागि तपाईं साठी माइल हिँडेर आउनुभएको ? त्यो त निकै अनौठो कुरो हो त । तपाईंको खातिर म उसलाई क्षमा
दिनेछु ।”
सेनापति वासिङ्गटनले क्षमापत्रमा हस्ताक्षर गरे । त्यही दिन दिउँसो जुन ठाउँमा
अभियुक्तलाई आत्महत्या दिइने तालिका मिलाइएको थियो मिलर पैदलै १५ माइल हिँडेर
त्यहाँ पुगे । अपराधीलाई मञ्चमा लगिरहँदा मिलर हस्याङफस्याङ गर्दै आएको देखेर उसले
भन्यो, “त्यो बुढो पिटर मिलर हुन्
। आज मलाई झुण्ड्याएको हेरेर सन्तुष्ट हुन तिनी एफ्रातादेखि हिँडेर आएका छन् ।”
तर जब पास्टर मिलरले क्षमापत्र झिकेर उसलाई
दियो ऊ मौन भइरह्यो ।
