यसरी जुटाउनुभयो परमेश्वरले

Tweet

आफ्नो हरेक आवश्यकताको निम्ति परमेश्वरमाथि भरोसा गर्ने एक विश्वचर्चित प्रभुका जनको नाउँ हो— जर्ज मुलर । एक दिनको कुरो हो तिनको अनाथालयमा खाजा थिएन । किन्नको लागि पैसा पनि थिएन । तर ती अनाथ केटाकेटीहरू भने खाजाको लागि पर्खिरहेका थिए । मुलरले केटाकेटीहरूलाई भने, “अब स्कुलको लागि तयार हुनुपर्छ । खाजा जुटोस् भनी प्रार्थना गरौँ ।” तिनको प्रार्थना समाप्त हुने बित्तिकै ढोका ढकढक गरेको आवाज आयो । त्यहाँ एक जना मान्छेले रोटी ल्याएकोरहेछ । उसले भन्यो, “म आज राति सुत्नै सकिनँ । आज बिहान तपाईंका केटाकेटीहरूलाई खाजाको अभाव हुने कुरो थाहा पाएँ मैले  । त्यो मबाट पूर्ति भएको प्रभु चाहनुहुन्थ्यो । तसर्थ, म राति दुई बजे उठेँ र यी ताजा रोटीहरू तयार पारेँ ।”

मुलरले उसलाई धन्यवाद दिए र परमेश्वरको हेरचाहको निम्ति उहाँको प्रशंसा गरे । तिनीहरू कुराकानी गरिरहँदा ढोकामा फेरि कसैले ढकढक गर्‍यो । अनाथालयनेर आइपुग्दा दुध बोकिरहेको उसको गाडा बिग्रेकोले गाडालाई मर्मत गर्न रित्त्याइनु पर्नेभएछ । त्यसैले उसले ती दूध बच्चाबच्चीहरूलाई दिन चाहेकोरहेछ । यसरी परमेश्वरले उक्त दिनमा खाजा उपलब्ध गराउनुभयो ।

परमेश्वरले प्रार्थना सुन्नुहुन्छ र उत्तर दिनुहुन्छ भन्ने निश्चयता विश्वासमा अन्तर्निहित भएको हुन्छ ।

Leave Your Comments Here!