तिनी नास्तिक
थिए । तिनको
बुझाइमा प्रेमिलो र सर्वशक्तिमान्
सृष्टिकर्ताको अवधारणा वाहियातसिवाय केही
थिएन । तिनी
पत्रकारिता र कानुनका
विद्यार्थी थिए ।
सन्देहवादी हुन खोज्नु
तिनको प्रवृत्ति थियो
। तिनी अमेरिकाको
सिकागो
ट्रिब्युन
नामक दैनिक अखबारका
कानुनी सम्पादक थिए ।
तसर्थ, कुनै पनि
कुरामाथि विश्वास गर्नुअगि तिनले
साक्षी खोज्ने गर्थे ।
एक दिनको
कुरो हो ।
तिनकी पत्नी लेज्ली
जो अज्ञेयतावादी थिइन्
उनले आएर यसो
भनिन्, “केही समयको
खोजपछि मैले येशूको
अनुयायी हुने निर्णय
गरेको छु ।”तर तिनको
लागि त्यो सबैभन्दा
दु:खको खबर
थियो । यो
खबरले विवाहको अन्त्य
गराउने भयो भनी
ठाने तिनले ।
तर अनुगामी
महिनाहरूमा तिनकी पत्नीको जीवनमा
केही सकारात्मक कुराहरू
देखिए । उनको
चरित्रमा परिवर्तन आएको देखियो
। पति र
छोराछोरीहरूसित गर्ने व्यवहारमा बद्लाउ
देखियो । यो
उदेकको कुरो थियो
। यो आकर्षक
थियो । आफ्नी
पत्नीको जीवनमा आएको सकारात्मक
परिवर्तनको कारणले गर्दा त्यस
विषयमा तिनलाई जाँच गर्न
मन लाग्यो ।
एक दिन तिनी
मण्डलीमा गए, खास
गरी पत्नीलाई त्यस
दलदलबाट छुटाउनको लागि ।
तर तिनले
येशूको बारेमा यस्तो सन्देश
सुने जुन सन्देशलाई
तिनले पहिलो पटक
बुझ्न सके ।
क्षमा सित्तैँको उपहार
थियो; येशू ख्रीष्ट
हाम्रो पापको लागि मर्नुभयो
र हामी उहाँसँगै
अनन्त बिताउनेछौँ भन्ने
सन्देश सुने तिनले
। तर तिनी
अझै पनि नास्तिक
नै थिए ।
तथापि त्यस सन्देशले
तिनको मनमा भुइँचालो
ल्याइदिएको थियो ।
तिनले सोचे, “यदि
यो साँचो हो
भने यसले मेरो
जीवनमा बृहत् असर पार्छ
।”त्यसपछि कानुन
र पत्रकारितामा भएको आफ्नो
ज्ञानलाई प्रयोग गरेर ख्रीष्टियमतमा
कुनै विश्वसनीयता छ
कि छैन भनी
तिनले जाँच गर्न
थाले ।
१ वर्ष
९ महिना लगाएर
तिनले ख्रीष्टियमतको अनुसन्धान
गरे । १९९१
नोभेम्बर ८ तारिख
तिनले महसुस गरे
कि ख्रीष्टियमतको पक्षमा
साक्षी यति प्रबल
थियो कि तिनको
लागि ख्रीष्टियान हुनुभन्दा
नास्तिक हुनको लागि बेसी
विश्वास चाहिने भयो ।
साक्षीले तिनलाई ख्रीष्टियमतको सत्यतातिर
डोर्याएकोले
तिनले त्यसलाई इन्कार
गर्न सकेनन् ।
त्यही दिन तिनले
येशूलाई आफ्नो प्रभु र
मुक्तिदाता भनी स्वीकार
गरे ।
त्यस पछि तिनकी पत्नीको
जस्तै तिनको जीवनमा
पनि परिवर्तन देखा
पर्यो
। तिनका मूल्य–मान्यताहरू, चरित्र र
तिनको जीवनको उद्देश्यमा
रूपान्तरण आउन थाल्यो
।
आफ्नो अनुसन्धानद्वारा उपलब्ध स्रोतहरूबाट तिनले
येशूको जीवनीबारे एउटा पुस्तक
लेखे— द केस
फर
क्राइस्ट
। यो पुस्तक
स्वर्ण पदक जित्न
सफल भयो ।
तिनले द केस
फर
अ
क्रिएटरजस्ता अन्य थुप्रै
पुस्तकहरू पनि लेखेका
छन् । फक्स
न्युज, सीएनएनजस्ता चर्चित टेलिभिजन
च्यानलहरूमा तिनका अन्र्तवार्ताहरू प्रसारण
भइसकेका छन् ।
तिनी लेखक, पत्रकार,
पास्टर र
रक्षाशास्त्री (अपोलोजिस्ट ) हुन् ।
यसरी नास्तिकवादलाई अपर्याप्त ठानी आफ्नो जीवन
येशूको पाउमा सुम्पने व्यक्तिको नाउँ हो— लि स्ट्रोबेल ।
