परमेश्वरको वचन बाइबल जीवन, शान्ति र अनन्तताको कथा हो— बिल्ली ग्राहम

ख्रीष्टाब्द १९१८ मा अमेरिकामा जन्मेका बिल्ली ग्राहम मानव इतिहासमा सबैभन्दा बढी मानिसहरूलाई सुसमाचार सुनाउने महान् व्यक्ति हुन् । तिनले जीवनमा दुई अरबभन्दा बेसी मानिसहरूलाई सुसमाचार सुनाए जसमध्ये झण्डै ३२ लाख मानिसले उहाँलाई अङ्गालेका छन् । प्रवचनका महानायक ग्राहमको सत्यनिष्ठाको कारणले लाखौँले तिनको आत्मिक मार्गदर्शनलाई पछ्याएका छन् । मार्टिन लुथर किङ्ग, बोनो, मुहम्मद अलीसाथै अमेरिकी राष्ट्रपति आइजनहावरदेखि बुससम्मका मानिसहरू ग्राहमबाट प्रेरित थिए । तिनी इमान्दार, निर्दोष र हसाउने प्रवृत्तिका छन् । तिनले भनेका छन्:

आज दसौँ लाख मानिसहरूले अधिकारको सम्बन्धमा भरपर्दो स्रोतको खोजी गरिरहेका छन् । परमेश्वरको वचन हामीसित भएको एक मात्र वास्तविक अधिकार हो । उहाँको वचनले मानवीय स्वभाव, संसारका समस्याहरू र मानवीय दु:खकष्टको सम्बन्धमा प्रकाश दिने काम गर्दछ । तर त्योभन्दा पनि बढी, यसले परमेश्वरको मार्गलाई स्पष्ट रूपमा प्रकट गर्दछ । बाइबलको सन्देश येशू ख्रीष्टको सन्देश हो जसले भन्नुभयो, ‘बाटो, सत्य र जीवन म नै हुँ’ (यूहन्ना १४:६) । यो उद्धारको कथा हो; यो ख्रीष्टद्वारा प्राप्त हुने तपाईं र मेरो उद्धारको कथा हो; यो जीवन, शान्ति र अनन्तताको कथा हो । हाम्रो विश्वास मानवीय ज्ञान र वैज्ञानिक उन्नतिमा आश्रित छैन तर परमेश्वरको अकाटय सन्देशमाथि छ ।   

Leave Your Comments Here.