ख्रीष्टाब्द
१७९१ मा मिखाएल
फाराडेको जन्म इङ्गल्यान्डमा
भएको थियो ।
थोरै औपचारिक शिक्षा
हासिल गरेका फाराडे
इतिहासका सर्वाधिक प्रभावशाली वैज्ञानिकहरूको
सूचीमा पर्छन् । विद्युत–चुम्बकत्व र विद्युत–रसायनको क्षेत्रमा तिनले
उल्लेखनीय योगदान पुर्याएका छन् ।
तिनकै खोजले भौतिकशास्त्रको
विद्युत–चुम्बकीय क्षेत्रको अवधारणाको
आधारलाई स्थापित गरेको थियो
। मूलत: तिनकै
प्रयासले विद्युतलाई प्रविधिको क्षेत्रमा
प्रयोग गर्न सकिएको
हो ।
एक
पटक वैज्ञानिक फाराडे
सिकिस्त बिरामी परे ।
तिनको अवस्था सार्है
नाजुक बन्दै गएको
थियो । लाग्थ्यो,
तिनी मृत्युको नजिकै
थिए । तिनको
स्वास्थ्य अवस्था गम्भीर भएको
थाहा पाएर केही
वैज्ञानिकहरू फाराडेलाई भेट गर्न
आए । तिनीहरू
विज्ञानको विषयमा बातचित गर्न
नभई मृत्युको विषयमा
कुराकानी गर्न आएका
थिए । आगन्तुकहरूमध्ये
एक जनाले सोधे,
“फाराडेज्यु, तपाईंको भविष्यबारे तपाईंको
अनुमान के रहेको
छ ?”
सबैलाई
छक्क पार्दै वैज्ञानिकले
जवाफ दिए, “अनुमान
! मेरो कुनै अनुमान
छैन । म निश्चयतामा भर पर्दै
छु ।” त्यसपछि
तिनले २ तिमोथी
१:१२ मा
अभिलिखित बाइबलको वचनलाई उद्धृत
गरे जहाँ लेखिएको
छ, “यसकारण मैले
यी कुरा भोगेको
पनि छु ।
तर म शर्माउँदिनँ,
किनभने मैले कसमाथि
विश्वास राखेको छु सो
म जान्दछु, र
मलाई निश्चय छ,
जुन कुरा त्यस
दिनसम्म मैले उहाँलाई
सुम्पेको छु, त्यो
सुरक्षित राख्न सक्ने उहाँ
हुनुहुन्छ ।”
