हाम्रा मसीहले सारा मानव–जातिलाई छान्नुभयो— नेल्सन मन्डेला

नेल्सन मन्डेला दक्षिण अफ्रिकाका पहिलो राष्ट्रपति हुन् जसले ख्रीष्टाब्द १९९४–१९९९ सम्म शासन गरे । रङ्भेद विरुद्धको आन्दोलनका नायक मन्डेला मानवतावादी राजनीतिज्ञ थिए । २७ वर्ष लामो जेल जीवन बिताएका मन्डेला १९९० मा जेलमुक्त भए । २५० ओटाभन्दा बेसी पुरस्कार बटुलेका मन्डेलालाई १९९३ को नोबेल शान्ति पुरस्कार दिइएको थियो । ३ अप्रिल १९९४ इस्टर सन्डेका दिन जायोनिस्ट क्रिस्चियन चर्चमा मन्डेलाले दिएको भाषणको अंश यस्तो छ:

यस दिन आराधनामा हामी हाम्रा शिर झुकाउँछौँ र वर्षभरि हामीलाई दिनुभएको प्रचुरताको निम्ति सर्वशक्तिमान्लाई धन्यवाद दिन्छौँ । मृत्युका डरलाग्दा शक्तिहरूमाथि पुनरुत्थान हुनुभएका ख्रीष्टको विजय उत्सव मनाउन हामी पवित्र खुसीमा हाम्रा सोर उचाल्छौँ ।

इस्टर एउटा हर्षोल्लासपूर्ण उत्सव हो । यो एउटा उत्सव हो किनकि वास्तवमा यो आशाको उत्सव हो ।

इस्टर जीवनको नवीकरण र झुटको अन्धकारमाथि सत्यको विजय र ज्योतिको प्रतीक हो ।

इस्टर मानवीय भाइचाराको पर्व हो किनकि यसमा शुभ खबरको समाप्तिको उत्सव मनाइन्छ ।

शुभ खबर ल्याउनुहुने पुनरुत्थान हुनुभएका हाम्रा मसीहले एउटा जातिलाई मात्र छान्नुभएन; एउटा देशलाई मात्र छान्नुभएन; एउटा भाषालाई मात्र छान्नुभएन; एउटा कुललाई मात्र छान्नुभएन तर सारा मानव–जातिलाई छान्नुभयो । ...

हाम्रा मसीह मरणशील मानिसको रूपमा आउनुभए तापनि आफ्नो दु:खकष्ट र क्रूसारोहणद्वारा उहाँले अमरत्व धारण गर्नुभयो ।

     

Leave Your Comments Here.