मानव जीवनमा येशूले पार्नुभएको सकारात्मक प्रभाव अतुलनीय छ

चाल्र्स बादलाफ उन्नाइसौँ शताब्दीका इङ्गल्यान्डका एक परिचित नास्तिक थिए । तिनले विश्वप्रसिद्ध ख्रीष्टियान सेवक प्राइस हुगेसलाई आफूसित वादविवाद गर्न चुनौती दिए । ग्रेट ब्रिटेनका हुगेस आफ्नो समयमा महानतम वक्ताहरूमध्ये एक थिए ।

ख्रीष्टियमतको दाबी र नास्तिकवादको दाबीमध्ये कसको दाबीचाहिँ श्रेष्ठतर छ भनी वादविवाद गर्नु तिनीहरूको विषय थियो । वादविवादको लागि ख्रीष्टियान सेवक हुगेसले एउटा सर्त अगि तेर्साए— नास्तिकवादप्रति आफ्नो जीवन समर्पण गरेर जीवन सुध्रिँदै गएका एक सय जना मानिसलाई चाल्र्सले सँगै ल्याउनुपथ्र्यो । हुगेसले ख्रीष्टलाई अङ्गालेर जीवन परिवर्तन भएका एक सय जना मानिस ल्याउने घोषणा गरे । पछि हुगेसले चाल्र्सलाई केवल ५० जना मात्र ल्याउन अनुरोध गरे । त्यो सङ्ख्या ५० बाट २० मा झर्‍यो अनि १० र अन्त्यमा १ मा पुग्यो । १ मा झर्दा पनि उक्त सर्तलाई चाल्र्सले स्वीकार गरेनन् । नास्तिकवादको कारणले तिनले जीवन परिवर्तन भएको एक जना मानिसलाई भेट्टाउन सकेनन् । अन्त्यमा चाल्र्सले उक्त वादविवादको चुनौतीलाई फिर्ता लिए ।

नास्तिकवादको निम्ति कस्तो लज्जास्पद उदाहरण ! नास्तिकवादलाई अङ्गालेर जीवन परिवर्तन भएको एक जना व्यक्ति पनि ल्याउन सकिएन । यसको विपरीत येशू ख्रीष्टको शिक्षा, उहाँको सर्वोत्तम नमुनादायी जीवनले आज एक दुई दर्जनलाई मात्र होइन; दुई/चार सय वा हजारलाई मात्र तर लाखौँ मानिसलाई सकारात्मक मार्गमा डोर्‍याएका छन् । आफ्नो भौतिक अनुपस्थितिमा पनि उहाँ परिवर्तन गर्ने महानतम अगुवा हुनुहुन्छ । मानवीय जीवनमा भएको येशूको नाटकीय प्रभावले उहाँका दाबीहरू कति साँचा छन् भनी पुष्टि गर्छन् । दुई हजार वर्षको इतिहासमा मानव जीवनमा येशूले पार्नुभएको सकारात्मक प्रभाव अतुलनीय छ ।

Leave Your Comments Here.