अति व्यस्तताको बाबजुत पनि जर्ज मुलरले बाइबल अध्ययनको लागि समय निकाल्थे

उन्नाइसौँ शताब्दीको विश्वासका नायक हुन् जर्ज मुलर । तिनले आफ्नो जीवनकालमा दस हजारभन्दा बेसी अनाथहरूको हेरचाह गरे । तिनले ११७ ओटा स्कुलको पनि स्थापना गरे जसमा एक लाखभन्दा बढी केटाकेटीहरूले पढ्ने मौका पाएका थिए । तिनी निकै व्यस्त प्रचारक पनि थिए ।

तिनले भनेका छन्, “परमेश्वरको वचनको लागि मैले समय बिताइनँ भने म त्यस दिनलाई गुमेको दिनको रूपमा हेर्छु । मित्रहरू प्राय: भन्ने गर्छन्, ‘मैले गर्नुपर्ने काम धेरै छ; मैले धेरै मानिसहरूसित भेटघाट गर्नुछ; धर्मशास्त्र अध्ययनको लागि म समय निकाल्नै सक्दिनँ ।’ सायद मभन्दा व्यस्त मानिसहरू धेरै जना छैनन् । आधा शताब्दीभन्दा बेसी समयसम्म एक दिन पनि मैले यसरी कटाएको याद छैन जुन दिन म व्यस्त भइनँ । चार वर्षसम्म वार्षिक रूपमा मैले ३०,००० ओटा पत्र पाउँथे र अधिकांश पत्रहरू मेरो हातमा पर्थे ।

“यति मात्र होइन, म मण्डलीको पास्टर पनि थिएँ जसमा १,२०० विश्वासीहरू थिए । मैले होसियारीपूर्वक तिनीहरूको रेखदेख गर्थें । यसका अतिरिक्त मैले ५ ओटा विशाल अनाथालयको रेखदेख गर्थें । मेरो प्रकाशन गोदाममा लाखौँको सङ्ख्यामा पर्चाहरू, पुस्तकहरू र बाइबलहरू थिए । तरै पनि केही समय परमेश्वर र उहाँको वचनको लागि समय नबिताएसम्म मैले आङ्खनो काम सुरु नगर्ने नियम बनाएको छु । मैले प्राप्त गरेको आशिष् उदेकको छ ।”   

Leave Your Comments Here.