हडसन
टेलर सम्भवत: उन्नाइसौँ
शताब्दीकै सर्वाधिक परिचित ख्रीष्टियान
मिसनरी हुन् ।
१७ वर्षको उमेरमा
येशूलाई ग्रहण गरेका टेलर
२१ वर्षमा हाम्रो
छिमेकी मुलुक चीनमा आएका
थिए, त्यहाँका मानिसहरूलाई
येशूको शुभ सन्देश
बाँड्न । ५१
वर्ष चिनीयाँ भूमिमा
बिताएका टेलर चिनीयाँ
संस्कृतिको संवेदनशीलता र सुसमाचार
प्रचारको निम्ति भएको तिनको
जोसको निम्ति निकै
परिचित छन् ।
ख्रीष्टाब्द १८६५ मा
तिनले स्थापना गरेको
संस्थामार्फत ८०० भन्दा
बढी मिसनरीहरू चीनमा
आए जसद्वारा हजारौँ
चिनीयाँहरूले येशूलाई चिन्ने मौका
पाए ।
कुनै
एउटा काल खण्डमा
धेरै मानिसहरूले येशूलाई
पछ्याइरहेका देखे टेलरले
। येशूको सुसमाचारलाई
सुनी कैयौँ मानिसहरूले
नयाँ जीवन पाउँदै
थिए । एक
जना वृद्ध मानिस
हडसन टेलरकहाँ आए
र ह्दयमा आनन्दको
महसुस गरी तिनले
टेलरलाई सोधे, “तपाईंको देशमा
तपाईंहरूले यस्तो उदेकको खबर
कहिल्यदेखि सुन्दै आउनुभएको छ
?”
मिसनरीको
जवाफ थियो, “हामीले
सैयौँ वर्षदेखि यसलाई
सुन्दै आएका छौँ
।”
“सैयौँ
वर्ष ?”, ती स्थानीयले
आश्चर्य व्यक्त गरे ।
ती वृद्धले जारी
राखे, “तपाईंहरूले सैयौँ वर्षदेखि
यसलाई सुन्दै आउनुभएको
छ र यो
शुभ सन्देश बाँड्नलाई
तपाईं भर्खरै यहाँ
आउँदै हुनुहुन्छ ? मेरा
पिताले जीवनभर सत्यताको खोजी
गर्नुभयो र त्यसलाई
नभेट्टाईकन उहाँको निधन भयो
। किन तपाईंहरू
पहिले नै आउनुभएन
?”
