उत्तर अफ्रिकामा
विश्वासीहरूमाथि उग्र सतावट
आउँदा फ्रेडरिक नोलान
नाउँ गरेका विश्वासी
आफ्ना शत्रुहरूबाट भाग्दै
थिए । तिनी
बेँसीहरूमा भागे तापनि
शत्रुहरू तिनको पिछा गर्दै
थिए भने वैरीहरूले
तिनलाई पहाडहरूमा पनि एकलै
छाडेनन् । तिनी
भाग्दाभाग्दा थकाइले लखतरान भइसकेका
थिए । अब
भाग्नको लागि कुनै
ठाउँ बाँकी रहेको
थिएन । शत्रुहरूले
फेला पारेर आफूलाई
मारे पनि मारोस्
भन्ने विचार राखेर
तिनी नजिकैको एउटा
गुफाभित्र प्रवेश गरे ।
मृत्युको प्रतीक्षा गर्दै तिनी
भित्र बसिरहँदा गुफाको
मुखमा एउटा माकुरो
देखा पर्यो र
त्यसले त्यहाँ जालो बुन्न
सुरु गर्यो ।
केही मिनेटभित्रमा नै
माकुरोले गुफाको मुखलाई जालोले
ढाकिदियो ।
फ्रेडरिकलाई
पछ्याउनेहरू तिनको खोजी गर्दै
त्यही गुफाको मुखनेर
आइपुगे । तिनले
शत्रुहरूको कुराकानीलाई सुने ।
तर प्रवेशद्वारमा नै
जालो देखेकाले गुफाभित्र
कुनै मानिस हुन
नसक्ने निष्कर्ष निकाले शत्रुहरूले
। तिनीहरू अगाडि
बढे र खोजीलाई
जारी राखे ।
अवश्यम्भावी मृत्युबाट बाँचेपछि फ्रेडरिकले
भने, “जहाँ परमेश्वर
हुनुहुन्छ त्यहाँ माकुराको जालो
पर्खालजस्तै हुन्छ । जहाँ
परमेश्वर हुनुहुन्न त्यहाँ पर्खाल
माकुराको जालोजस्तै हुन्छ ।”
परमेश्वरले
आफ्ना जनलाई छुटकारा
दिन माकुरोलाई पठाउनुभयो
। बाइबलले भन्छ,
“त्यसले मलाई प्रेम
गरेको हुनाले, म
त्यसलाई छुटाउनेछु । त्यसले
मेरो नाउँ ग्रहण
गरेको छ, यसकारण
म त्यसको रक्षा
गर्नेछु । त्यसले
मेरो पुकार गर्नेछ,
र म त्यसलाई
उत्तर दिनेछु ।
त्यसका दु:खको
घडीमा म त्यससँग
हुनेछु, म त्यसलाई
छुटकारा दिनेछु, र आदर
गर्नेछ” (भजनसंग्रह ९१:१४–१५) ।
