धार्मिक स्वतन्त्रताबारे ९ ओटा भनाइहरू

धर्म–निरपेक्षतालाई अङ्गाल्ने राज्य व्यवस्थाले धार्मिक स्वतन्त्रतालाई अनुमति दिन्छ । राज्यले धर्म लाद्ने काम गर्दैन बरु नागरिक समाजप्रति जिम्मेवारी बहन गर्ने धर्महरूलाई ठाउँ दिन्छ । त्यसकारण, यसले समाज निर्माणमा यी धर्महरूलाई साधन बन्ने अनुमति दिन्छ ।

पोप बेनेडिक्ट चौधौँ

यदि आज म कुनै साम्यवादी मुलुकमा बाँचेको हुँदो हो जहाँ ख्रीष्टियान विश्वासलाई प्यारो लाग्ने केही सिद्धान्तहरूलाई दमन गरिन्छ भने त्यो देशको धर्म विरोधी कानुनको उल्लङ्घनको पक्षमा म खुलेआम वकालत गर्थें । 

मार्टिन लुथर किङ्ग, पास्टर, अभियन्तासाथै मानवतावादी

स्वतन्त्रता थिचोमिचो गर्नेद्वारा कहिल्यै स्वैच्छिक रूपमा प्रदान गरिँदैन; थिचोमिचोमा पर्नेद्वारा यसको माग गरिनुपर्छ ।

मार्टिन लुथर किङ्ग, पास्टर, अभियन्तासाथै मानवतावादी

धर्ममाथि हस्तक्षेप गर्ने देशको सरकारभन्दा अन्य कुनै कुरो बढी डरलाग्दो हुँदैन ।

जोन आदम्स, अमेरिकाका द्वितीय राष्ट्रपति

धार्मिक स्वतन्त्रताको पक्षमा वकालत गरी सबै मानिसको लागि यसको बढावा गर्नु हरेक व्यक्तिको जिम्मेवारी हो ।

पोप फ्रान्सिस

हरेक व्यक्तिसित सोचाइ, विवेक र धर्मको स्वतन्त्रताको अधिकार छ । यस अधिकारमा आफ्नो धर्म वा विश्वासलाई परिवर्तन गर्ने स्वतन्त्रता पर्छ । व्यक्तिगत रूपमा होस् या अरूहरूसँगै समुदायमा होस्; सार्वजनिक रूपमा होस् या निजी जीवनमा होस् आफ्नो धर्म वा विश्वासलाई शिक्षा, व्यवहार, आराधना र पालनामा प्रकट गर्ने स्वतन्त्रता छ ।

मानव अधिकारसम्बन्धी विश्वव्यापी घोषणापत्र १९४८, अनुच्छेद १८

येशूको अनुयायीको रूपमा न्याय र मिलापको पक्षमा लड्न र आफ्नो निम्ति बोल्न नसक्नेहरूको पक्षमा वकालत गर्न मेरो बोलावट भएको छ । मेरो भविष्यलाई राष्ट्रिय र अन्तर्राष्ट्रिय स्तरमा मानव अधिकार र धार्मिक स्वतन्त्रताको लागि केन्द्रित गर्ने मेरो योजना छ ।

फ्रयाङ्क वुल्फ, राजनीतिज्ञ

धार्मिक स्वतन्त्रताप्रति व्यक्तिको अधिकारसाथै मण्डली र राज्यको पृथक्कीकरणप्रति म दृढतापूर्वक विश्वास गर्दछु ।

अल्की हेस्टिङ्ग्स, राजनीतिज्ञ

मेरो विचारमा कुनै संस्था वा समुदायले राम्रो काम गरिरहेको छ भने हामीले धर्मको आधारमा भेदभाव गर्नुहुँदैन । तर सरकारले धर्म परिवर्तन वा आराधना वा धार्मिक गतिविधिको लागि भने पैसा दिन सक्दैन ।

जिम वालिस, लेखकसाथै राजनीतिज्ञ   

Leave Your Comments Here.