लिओनार्दो
दा भिन्सी बहुप्रतिभाशाली
व्यक्तित्व थिए ।
ख्रीष्टाब्द १४५२ मा
फ्लोरेन्स (वर्तमान इटालीमा पर्ने)
मा जन्मेका भिन्सी
चित्रकार, अन्वेषक, कालिगड, वैज्ञानिक,
सङ्गीतकार, गणितज्ञ आदि थिए
। तिनी मानव
इतिहासका महानतम चित्रकारहरूको सूचीमा
पर्छन् । तिनका
चित्रहरूमध्ये मोनालिसा
सर्वाधिक प्रसिद्ध छ ।
भिन्सीका
विश्वचर्चित चित्रहरूको सूचीमा पर्ने
अर्को एउटा चित्र
पनि छ जसलाई
प्रभु–भोजको नाउँले
चिनिन्छ । यसमा
येशूले आफ्ना १२ जना
चेलाहरूसँग अन्तिम भोज खान
लाग्नुभएको दृश्यलाई चित्रमा उतारिएको
छ (यूहन्ना १३:२१) ।
लगभग १४९५ मा
बनाउन सुरु गरिएको
यस चित्रको पछाडि
एउटा रोचकसाथै शिक्षामूलक
कहानी पनि लुकेको
छ ।
भिन्सीले
यस चित्रको आरम्भ
गर्नुअगि तिनका एक जना
चित्रकार दौँतरीसित तिनको भनाभन
भएको थियो ।
आफ्ना मित्रदेखि तिनी
यति धेरै रिसाएका
थिए कि तिनले
यहूदा इस्करियोतको अनुहारको
प्रतिनिधित्व गर्न तिनले
आफ्ना मित्रको अनुहार
बनाउने निधो गरे
। यसो गरेर
तिनले बदला लिन
खोजेका थिए ताकि
आगामी पुस्ताहरूमा तिनको
अनुहारले कुख्याति कमाएको होस्
। तिनले पहिले
इस्करियोतको अनुहारलाई नै बनाएर
सिद्धयाए । त्यो
अनुहार भिन्सीसित झगडा गर्ने
मित्रको अनुहार थियो भनी
प्रस्ट थियो ।
तर
भिन्सीले येशूको अनुहार बनाउन
लाग्दा तिनी अगाडि
बढ्नै सकेनन् ।
लाग्थ्यो, तिनलाई केही कुरोले
बेचैन बनाइरहेको थियो
। तिनका प्रयासहरू
व्यर्थ बन्दै थिए ।
तिनलाई बेचैन तुल्याइरहेको कुरो
अरू केही नभएर
इस्करियोतको अनुहारमा तिनले आफ्नो
मित्रको अनुहार हाल्नु नै
थियो भन्ने निष्कर्षमा
पुगे तिनी ।
तिनले इस्करियोतको अनुहारलाई
मेटेपछि तिनी अगाडि
बढ्न सके ।
तिनले चित्रलाई सम्पन्न
गरे जुन संसारका
प्रसिद्ध चित्रहरूमा गनिएको छ
।
