येशूको ऐतिहासिकताबारे केही भनाइहरू

लगभग यसै समयतिर येशू नाउँका एक जना बुद्धिमान् मानिस थिए । तिनलाई मानिस भन्न हुन्छ कि हुँदैन ? किनकि तिनी अचम्मका कामहरू गर्ने व्यक्तिसाथै सत्यतालाई खुसीसाथ स्वीकार गर्ने मानिसहरूका शिक्षक थिए । तिनले धेरै यहूदीसाथै अन्यजातिहरूलाई आफूकहाँ आकर्षित गरे । तिनी ख्रीष्ट थिए । हाम्रा बिचमा भएका प्रतिष्ठित मानिसहरूको सल्लाहमा पिलातसले तिनलाई क्रूसमा टाँग्ने आज्ञा दिए तापनि तिनलाई प्रेम गर्नेहरूले सुरुमा तिनलाई त्यागेनन् । तेस्रो दिनमा तिनी फेरि तिनीहरूकहाँ जीवितै देखा परे । किनभने परमेश्वरका अगमवक्ताहरूले तिनको बारेमा यीलगायत अन्य असङ्ख्य अद्भूत अगमवाणीहरू बोलेका थिए । र, तिनको नामबाट उदय भएको ख्रीष्टियान जाति आजको दिनसम्म लोप भएको छैन ।

योसिफस, यहूदी इतिहासकार

एथेन्सवासीहरूले सुकरातलाई मारेर के लाभ पाए ? तिनीहरूको अपराधको निम्ति तिनीहरूमाथि अनिकाल र विपत्ति आइपरे । पाइथागोरसलाई जलाएर सामोसका मानिसहरूले के लाभ पाए ? एकै क्षणमा तिनीहरूको भूमि बालुवाले पुरियो । आफ्ना बुद्धिमान् राजालाई मारेर यहूदीहरूले के लाभ पाए ? ठिक त्यसपछि तिनीहरूको राज्यको अन्त्य भयो । परमेश्वरले यी तिन बुद्धिमान् मानिसको न्यायपूर्वक बदला लिनुभयो । एथेन्सवासीहरू भोकले मरे । सामोसवासीहरू समुद्रको गर्भमा पुगे । यहूदीहरू आफ्नो देशबाट निकालिएर पूर्णत: छरपष्ट भए । तर, सुकरात सदाको निम्ति मरेनन्, तिनी प्लेटोको शिक्षामा बाँचिरहे । पाइथागोरस सदाको निम्ति मरेनन्, तिनी हेराको मूर्तिमा बाँचिरहे । न त बुद्धिमान् राजा सदाको निम्ति मरे, आफूले दिएको शिक्षामा तिनी बाँचिरहे ।

मारा बार सेरापिओन

समय समयमा केही मानिसहरूले येशूको अस्तित्वलाई इन्कार गर्ने प्रयास गरेका छन् । तर यो वास्तवमा गायब भएको एउटा उद्देश्य हो । येशू साँच्चै अस्तित्वमा हुनुहुन्थ्यो भन्नाका लागि प्रचुर साक्षीहरू छन् ।

एडविन एम. यामूची, इतिहासका विश्वविख्यात प्राध्यापक

यी स्वतन्त्र विवरणहरूले प्रमाणित गर्छन् कि प्राचीन समयमा ख्रीष्टिमयतका वैरीहरूले पनि येशूको ऐतिहासिकतामाथि कहिल्यै शङ्का गरेनन् जस [उहाँको ऐतिहासिकता] लाई पहिलो पटक अपर्याप्त आधारहरूमा अठारौँ शताब्दीको अन्त्य, उन्नाइसौँ शताब्दी र बिसौँ शताब्दीको आरम्भमा मनग्गे लेखकहरूले विवादमा मुछेका थिए । 

ब्रिटानिका विश्वकोश

ख्रीष्टियमतका संस्थापक वास्तवमै अस्तित्वमा थिए भन्ने सत्यतालाई स्वीकार नगरी ख्रीष्टियान मण्डलीको उदय वा सुसमाचारिय लेखहरू र तिनमा आधारित परम्पराका धारहरूलाई व्याख्या गर्न सम्भव छैन ।

आई. होवार्ड मार्सल, नयाँ करारका विद्वान्

हामीसँग नयाँ करार वा ख्रीष्टियान रचनाहरू नभएको भए तापनि तिबेरिअसको शासनकालमा पिलातसले उहाँ [येशू] लाई क्रूसमा टाँग्ने आज्ञा दिएका थिए भनी योसिफस, ताल्मुड, टासिटस र प्लिनी द योङ्गरजस्ता गैरख्रीष्टियानका रचनाहरूबाट हामी निष्कर्षमा पुग्न सक्छौँ ।

एडविन एम. यामूची, इतिहासका विश्वविख्यात प्राध्यापक

के तपाईं सुकरात, अलेक्ज्यान्डर महान् र जुलियस कैसरको अस्तित्वमाथि विश्वास गर्नुहुन्छ ? यदि ऐतिहासिकता मूल रूपमा लेखिएका समकालिक स्रोतहरू नजिकै भएका मनग्गे लिखित अभिलेखहरूको  आधारमा स्थापित हुने हो भने अन्य कसैको लागि भन्दा ख्रीष्टको अस्तित्वको लागि प्रमाण बेसी छन् ।

दिनेश डिसुजा

ब्रिटानिका विश्वकोशको पन्ध्रौँ संस्करणले येशू ख्रीष्टको व्यक्तित्वको लागि २०,००० शब्दहरू खर्चेको छ र उहाँ अस्तित्वमा हुनुहुन्थेन भनेर एक पटक पनि अङ्कित गर्दैन ।

जोन एङ्करवर्ग

आज कुनै पनि दक्ष विद्वान्ले येशूको ऐतिहासिकतालाई इन्कार गर्दैन ।

ब्रुस मेजगर, प्रिन्सेटोनका प्राध्यापक

Leave Your Comments Here!