ख्रीष्टियमतलाई चुनौती दिने भोल्टेयरको पछुतो

भोल्टेयर अठारौँ शताब्दीका फ्रान्सेली लेखक, इतिहासकारसाथै दार्शनिक थिए । तिनले ख्रीष्टियान धर्म, बाइबल र परमेश्वरको विरुद्धमा औधी लेखे । भनिन्छ, ख्रीष्टियान धर्मलाई कसैले नष्ट गर्न सक्थ्यो भने तिनी थिए— भोल्टेयर ।

शताब्दीऔँ लगाएर निर्माण भएको ख्रीष्टियमतलाई तिनी एकलैले ध्वस्त पार्ने हाँक दिए, “पचास वर्षभित्रमा म एकलै फ्रान्सेलीले यसलाई नष्ट गर्न सक्छु भनेर म देखाइदिनेछु ।”

के इतिहासले तिनको धाकलाई पुरा गर्‍यो त ? तिनको मृत्युको बिस वर्षपश्चात् जेनेभा बाइबल सोसाइटीले तिनको घर किन्यो, बाइबल छाप्नको लागि । पछि त्यो ब्रिटिस एन्ड फोरेन बाइबल सोसाइटीको लागि पेरिसको केन्द्र बन्यो । जुन छापाखाना प्रयोग गरेर भोल्टेयरले ख्रीष्टियान विश्वासको विरुद्धमा पुस्तक–पुस्तिकाहरू निकालेको थियो सोही छापाखानाबाट हजारौँको सङ्ख्यामा बाइबल छापिए र युरोपभरि नै बाइबलको खोलो बगाइयो । बाइबल अझै पनि संसारमा सबैभन्दा बढी बिक्री वितरण हुने पुस्तक हो ।

मृत्युअगि यी परिचित नास्तिकले खेद व्यक्त गरे, “म कहिल्यै नजन्मिएको भए हुन्थ्यो !”    

Leave Your Comments Here.