बाइबलले नर्वेलाई गरिबीको दलदलदेखि उन्नतिको शिखरमा पुर्‍याएको थियो

दुई सय वर्षअगि नर्वे युरोपेली मुलुकहरूमध्ये असाध्यै गरिब राष्ट्र थियो । छिमेकी डेनमार्कले यसमाथि शासन गर्दै आएको थियो । अधिकांश मानिसहरू गरिब मछुवाहरू र गुजारा मात्र चलाउने किसानहरू थिए । हरेक पटक अनिकाल आइपर्दा मानिसहरू मृत्युको मुखमा होमिन बाध्य हुन्थे । तर आज यो संसारकै धनी मुलुकहरूको सूचीमा पर्दछ । यहाँका सत प्रतिशत मानिसहरू साक्षर छन् । यति छोटो अवधिमा नै केले नर्वेमा विस्मयरकारी सुधार ल्यायो ? बाइबल ।

ख्रीष्टाब्द १७९६ मा हेन्स एन. हेग नाउँ गरेका मानिस ख्रीष्टियान बने र तिनले पवित्र धर्मशास्त्र बाइबल पढ्न थाले । आफ्नो छिमेकीलाई आफैलाई जस्तै प्रेम गर्नुपर्छ भनी तिनले बाइबलबाट सिके । तिनले बाइबल वितरण गर्नुका अतिरिक्त घरेलु बाइबल अध्ययन थाले । अनुमति नलिईकन प्रचार गरेको आरोपमा डेनमार्क सरकारले तिनको भत्र्सना गर्‍यो । तर सरकारको कदमदेखि हेग पछि हटेनन् । एकले अर्कालाई निर्माण गर्नुपर्छ भनी तिनले बाइबलबाट सिकेका थिए । त्यसैले, बाइबलले भनेमुताबिक तिनले गरिरहे ।

तिनले किताबहरू कसरी छाप्ने भनी सिकेपछि तिनले आफ्नै प्रकाशन खोले । तिनी यति धेरै लेख्थे कि १८ वर्षमा तिनले ३३ ओटा पुस्तकहरू प्रकाशित गरे । तत्कालीन ९ लाख जनसङ्ख्यामध्ये एक लाखले तिनका एक वा सोभन्दा बढी पुस्तकहरू पढे भनी अनुमान गरिएको छ । मानिसहरूले पढ्न जानेपछि तिनीहरूले बाइबल पढ्न सुरु गरे अनि बाइबलले तिनीहरूलाई असल बनायो । केही दसक बितेपछि राज्य उन्नतितर्फ उन्मुख भयो ।

डेनमार्क सरकारलाई हेगको क्रियाकलालप मन परिरहेको थिएन । त्यसैले १८०४ मा तिनलाई झ्यालखानामा हालियो । हेगका अनुयायीहरूले नर्वेको स्वाधीनताको पक्षमा वकालत गर्न थाले । १८१४ मा तिनीहरूले नयाँ संविधानको लागि मस्यौदा तयार पार्न मदत गरे । फलस्वरूप, नर्वे यस ग्रहको अर्को एउटा स्वतन्त्र मुलुक बन्यो ।

बाइबलले व्यक्तिलाई मात्रै होइन पुरै राज्यलाई सकारात्मक मार्गमा डोर्‍याउन सक्छ ।     

Leave Your Comments Here.