नास्तिकवादी किताबहरूमा उद्धृत वचनहरू पढेर येशूलाई अङ्गाले नास्तिकले

रूसको भूभागको रूपमा चिनिएको साइबेरियामा ख्रीष्टाब्द १९६७ मा जन्मेका भिसेभोलोड ल्याटकिन बिशप हुन् । तिनको  आफ्नो आत्मिक यात्रा यस्तो रहेको छ ।

ल्याटकिनका बुबा आमा स्थानीय नास्तिकवादी विश्वविद्यालयका प्राध्यापकहरू थिए जसले आफ्नो छोरोलाई “आफ्नै बारेमा सोच्नुपर्छ” भन्ने मानसकितामा हुर्काएका थिए । आफ्नो किशोर अवस्थामा तिनले थुप्रै आत्मिक प्रश्नहरूको सामना गरे ।

साम्यवादीहरूले परमेश्वर अस्तित्वमा हुनुहुन्न भनी तिनलाई बताउँदा परमेश्वर हुन पनि सक्नुहुन्छ भन्ने सम्भावनासहित तिनले खोजी गर्न थाले । तिनले किताबहरू पढ्न थाले । तर तिनको स्थानीय पुस्तकालयामा उपलब्ध किताबहरू नास्तिकवादसित मात्र सम्बन्धित थिए । ल्याटकिनको ध्यान खिँच्ने कुरोचाहिँ के थियो भने ती किताबहरूमा बाइबलका थुप्रै पदहरू उद्धृत गरिएका थिए, तिनको उपहास गरी खण्डन गर्न । तिनले नास्तिकवादको बारेमा लेखिएको विश्वकोशबाट हरेक बाइबलको पदलाई हातैले सारे । तिनको यस प्रक्रियाले तिनलाई बाइबलको वचनबारे सचेत मात्र गराएन तर तिनले आफ्ना पापको लागि परमेश्वरको निम्ति बिन्ती पनि गरे ।

यसरी नास्तिकवादी किताबहरूमा उद्धृत बाइबलका वचनहरूद्वारा तिनी ख्रीष्टियान मात्र बनेनन् तर आज तिनले यसको प्रचार प्रसार पनि गरिरहेका छन् ।     

Leave Your Comments Here.