ख्रीष्ट इतिहासकै सर्वाधिक प्रभावशाली व्यक्तित्वको रूपमा खडा हुनुभएको छ

ख्रीष्टाब्द १९६१ मा दिनेस डिसुजा भारतको बम्बेमा जन्मेका थिए । १९७८ मा तिनी अमेरिका गए । तिनले दुई वर्षसम्म अमेरिकाका चालिसौँ राष्ट्रपति रोनाल्ड रेगनका लागि नीति परामर्शदाताको रूपमा काम पनि गरेका छन् । १९९१ मा अमेरिकाको नागरिक बनेका डिसुजा हाल राजनीतिक टिप्पणीकार, लेखकसाथै ख्रीष्टियान रक्षाशास्त्री हुन् । कैयौँ उत्कृष्ट पुस्तकहरूका रचनाकार डिसुजाको एउटा कृतिको नाउँ हो, ह्वाट्स सो ग्रेट एबाउट क्रिस्चियानिटी । ख्रीष्टियान रक्षाशास्त्रसित सम्बन्धित यस पुस्तकमा तिनी लेख्छन्:  

ख्रीष्ट इतिहासकै सर्वाधिक प्रभावशाली व्यक्तित्वको रूपमा खडा हुनुभएको छ । निस्सन्देह, संसारलाई रूपान्तरण गर्ने मानिसहरूको सूचीमा मोशा, बुद्ध र मुहम्मदका नाउँहरू पर्छन् । तथापि यहूदी, बुद्ध र इस्लाम धर्ममा मोशा, बुद्ध र मुहम्मदले जुन ठाउँ ओगट्छन् ख्रीष्टियमतमा येशूले त्योभन्दा नितान्त फरक ठाउँ ओगट्नुहुन्छ । मोशा, बुद्ध र मुहम्मदले कहिल्यै पनि आश्चर्यकर्महरू गरे भनी दाबी गरेनन् । वास्तवमा तिनीहरूले आफूलाई कहिल्यै पनि मानिसभन्दा ठुलो प्राणीको रूपमा हेरेनन् । तिनीहरूले आफूलाई केवल परमेश्वरका सन्देशवाहकहरूको रूपमा हेरे । ख्रीष्ट मात्रै इतिहासमा एक यस्तो व्यक्ति हुनुहुन्छ जसले पुरै धर्मलाई आफ्नो व्यक्तित्ववरिपरि परिभाषित गर्नुभएको छ ।

Leave Your Comments Here.