बाइबलको वचन अभिलिखित कागतको सानो टुक्रामा आँखा लगाउँदा

यो सोर्‍हौँ शताब्दीको कुरो हो जुन बेला सर्वसाधारणहरूको हातमा बाइबल हुन्थेन । क्याथोलिक मण्डलीले बाइबल अनुवादलाई नियन्त्रण गरेको थियो र त्यस बेला ल्याटिन मात्र पढ्ने गरिन्थ्यो । सुधारवादी मार्टिन लुथरलाई त्यस क्याथोलिक प्रवृत्ति मन परिरहेको थिएन । त्यसैले, तिनले जर्मन भाषामा बाइबल अनुवाद गर्न थाले । जर्मन तिनका मानिसहरूको भाषा थियो ।

एक दिनको कुरो हो । लुथरले बाइबल छाप्नको लागि प्रयोग गरेको प्रिन्टरलाई तिनकी छोरीले सफा गर्दै थिइन् । उनले भुइँमा एउटा कागतको टुक्रा देखिन् जसले उनको ध्यान खिँच्यो । त्यसमा लेखिएको थियो, “किनभने परमेश्वरले संसारलाई यस्तो प्रेम गर्नुभयो, कि उहाँले ... दिनुभयो ... ।” त्यसमा लेखिएका वचनहरू यति मात्र थिए । उक्त पदका बाँकी वचनहरू थिएनन् । तर उनले जे देखिन् त्यसले उनलाई उत्तेजित पार्‍यो । परमेश्वरले दिनुहुन्छ भन्ने विचारले उनलाई आकर्षण गर्‍यो ।

आफ्नी छोरीको जीवनमा आएको परिवर्तनलाई आमाले ध्यान दिएकी थिइन् । त्यसैले खुसी हुनुको कारण सोधिन् आमाले । छोरीले आफ्नो गोजीबाट कच्याककुचुक पारिएको त्यही कागज झिकेर आमालाई देखाइन् । पढेपछि आमाले सोधिन्, “उहाँले के दिनुभयो ?”

छोरीले जवाफ फर्काइन्, “मलाई थाहा छैन । तर उहाँले हामीलाई दिन हामीलाई पर्याप्त मात्रामा प्रेम गर्नुभयो भने हामी उहाँदेखि डराउनुपर्दैन ।”

उनले त्यस कागजमा जे पढिन् त्यसले परमेश्वरलाई हेर्ने उनको दृष्टिकोणलाई बदल्यो ।

Leave Your Comments Here.