नोबेल पुरस्कार जित्नेहरूमा ६५% ख्रीष्टियान

ख्रीष्टाब्द २००० मा नोबेल पुरस्कारको इतिहासले शताब्दी चुमेको थियो । पहिलो पटक यो पुरस्कार १९०१ मा ५ ओटा विद्यामा उल्लेखनीय योगदान पुर्‍याउने व्यक्तिहरूलाई प्रदान गरिएको थियो: भौतिक शास्त्र, रसायन शास्त्र, चिकित्सा शास्त्र, साहित्य र शान्ति । १९६९ बाट अर्को विद्या (अर्थशास्त्र) थपेसँगै हाल ६ ओटा क्षेत्रमा यो पुरस्कार वितरण गरिन्छ । ८५० भन्दा बढी व्यक्तिहरूले यस पुरस्कारलाई आफ्नो पोल्टामा पारिसकेका छन् ।  

सय वर्षको इतिहास (१९०१–२०००) मा नोबेल पुरस्कार जित्नेहरूमा ६५.४% ख्रीष्टियान रहेका छन् । ख्रीष्टियानहरूले शान्तिमा ७८.३%, रसायन शास्त्रमा ७२.५%, भौतिक शास्त्रमा ६५.३%, चिकित्सामा ६२%, अर्थशास्त्रमा ५४% र साहित्यमा ४९.५% नोबेल पुरस्कार हात पारेका छन् ।

संसारको जम्मा जनसङ्ख्यामध्ये ३३.२% ख्रीष्टियान छन् र यो पुरस्कार जित्नेहरूमा ६५.४% ख्रीष्टियान छन् ।

नोबेल पुरस्कार वार्षिक रूपमा प्रदान गरिने अन्तर्राष्ट्रिय पुरस्कार हो । ख्रीष्टाब्द १८९५ मा स्विडेनका अन्वेषक अल्फ्रेड नोबेलले यसको स्थापना गरेका थिए जो आफै ख्रीष्टियान थिए । यो सर्वाधिक ठुलो धनराशी भएको पुरस्कार हो । ख्रीष्टाब्द २०१२ सम्ममा प्रत्येक पुरस्कार लगभग १२ करोड नेपाली रुपियाँ बराबर थियो । साहित्य, चिकित्सा, भौतिक शास्त्र, रसायन शास्त्र, शान्ति र अर्थशास्त्रमा उपलब्ध पुरस्कारहरूमध्ये यसलाई सबैभन्दा प्रतिष्ठित पुरस्कारको रूपमा हेरिन्छ ।  

ख्रीष्टाब्द २००० सम्ममा नोबेल पुरस्कार विजेताहरूमध्ये १० जना गैरख्रीष्टियानहरूले ख्रीष्टियान धर्मलाई अङ्गालेका छन्: ५ जना यहूदी धर्मबाट, ३ जना नास्तिकबाट, १ जना अज्ञेयवादबाट र अर्को १ जना अनिश्चित छ । 

स्रोत: https://en.wikipedia.org/wiki/List_of_Christian_Nobel_laureates#Nobel_laureates_converted_to_Christianity

Leave Your Comments Here.