प्रतिभावान् खेलाडीबाट प्रभावशाली प्रचारक बनेका बिल्ली सन्डे

अमेरिकाको सिकागो सहरमा । कुनै एउटा आइतबार । मध्यान्हको समय । कुरो ख्रीष्टाब्द १८८६ वा ८७ को हो । बेसबलको मौसम थियो । बेसबलमा कहलिएका खेलाडी बिल्ली सन्डे र तिनका केही साथीहरू छुट्टीमा थिए । तिनीहरू सहरको सडकमा जाँदै गर्दा सडकको एउटा कुनामा सुसमाचारिय टोलीले गित गाइरहेको सुनेर बिल्ली र तिनका मित्रहरू रोकिए । उक्त झुन्डले वाद्यवादन बजाउँदै, सुसमाचारिय भजनहरू गाउँदै ख्रीष्टले पापबाट बचाउन सक्नुहुन्छ भन्ने गवाही दिँदै थियो । ती भजनहरूले बिल्लीलाई तुरुन्तै आकर्षित गरिहाले । आँखाबाट आँसु बर्सन थाले । तिनले तुरुन्तै निर्णय लिए, “मित्र हो, म येशू ख्रीष्टमाथि भरोसा गर्नेछु । अब हाम्रो छुट्टिने बेला आएको छ ।” तिनका केही दौँतरीहरूले तिनको गिल्ला गरे भने अरू मौन रहे । केवल एक जनाले तिनलाई हौसला दियो । आफ्नो खेलीडीको टिमलाई छाडी तिनी मिसनमा सामेल भए ।

आफ्नो अनुभवलाई पछि तिनले यसरी व्यक्त गरे, “मैले परमेश्वरको कृपालाई पुकारेँ । मेरा पापहरूबाट ढुन्मुनिदैँ म मेरा मुक्तिादाताका फैलाइएका पाखुराहरूमा पुगेँ । म तुरुन्तै उहाँमा नयाँ सृष्टि बनेँ । भोलि बिहानको अभ्यासमा मेरा म्यानेजर माइक केल्लीले अभिवादन गर्दै मलाई भने, ‘बिल्ली, हिजो भएको घटना मैले अखबारमा पढेँ । धर्म मेरो लागि सुहाउने कुरो होइन । तर म तिमीलाई जबरजस्ती गर्दिनँ ’ ।” 

यसरी प्रसिद्ध खेलाडीबाट ख्रीष्टको राजदूत बनेका बिल्ली सन्डे बिसौँ शताब्दीको अगिल्ला दुई दसक अमेरिकाको सबैभन्दा प्रसिद्ध र प्रभावशाली प्रचारक बनेका थिए । तिनले लाखौँ मानिसहरूलाई सुसमाचार सुनाए र तिनको सन्देशद्वारा अनुमानित ३,००,००० मानिसहरूले आफ्नो जीवन प्रभु येशूमा सुम्पे ।   

Leave Your Comments Here.