येशूका आश्चर्यकर्महरूबारे केही भनाइहरू

यदि नासरतका येशूले अलौकिक कार्यहरू गर्नुभएको होइन भने उहाँले धेरै पटक झुटो बोल्नुभयो । ... कि उहाँले अलौकिक कार्यहरू गर्नुभयो कि उहाँले झुटो बोल्नुभयो ।

जोन ए. ब्रोदुस

सञ्चित मुद्दाले देखाउँछ कि येशूले आश्चर्यकर्महरू गर्नुभयो भनी प्रतिवेदन दिँदा सुसमाचारहरू सही छन् ।

  गेरी हेबरमेस, नयाँ करारका विश्वविख्यात विद्वान् 

कुनै पनि ख्रीष्टियानले उसको बौद्धिक इमान्दारीलाई आदर गरी येशूले दृष्टिविहीनहरूलाई दृष्टि दिनुभयो, बैराहरूलाई पुन: सुन्ने बनाउन मद्दत गर्नुभयो, लङ्गडाहरूलाई हिँड्न सक्षम तुल्याउनुभयो, कुष्टरोगीहरूलाई शुद्ध पार्नुभयो, भूतात्मा लागेकाहरूलाई निको पार्नुभयो, र ती स्पष्टत: मृतकहरूलाई पुर्नजीवन दिनुभयो भन्ने सम्बन्धमा आशङ्का गर्नु आवश्यक छैन ।

ए. एस. हन्टर

ख्रीष्टले प्राकृतिक शक्तिहरूमाथि [आफ्नो] सामथ्र्य देखाउनुभयो जुन यी शक्तिहरूका कर्ता परमेश्वरले मात्र गर्न सक्नुहुन्छ ।

पावल ई. लिट्टिल, प्राध्यापकसाथै लेखक

आज हाम्रो लागि ख्रीष्टको व्यक्तित्व नै महान् आश्चर्यकर्म हो । विचार गरिनुपर्ने साँचो कुरो आश्चर्यकर्महरूबाट ख्रीष्टको तर्क गर्नुभन्दा बरु ख्रीष्टबाट आश्चर्यकर्महरूको तर्क गर्नु हो ।

ग्रिफिथ थोमस, ब्रिटिस विद्वान्

उहाँ [येशू] का सबै आश्चर्यकर्महरू उहाँको व्यक्तित्वका स्वाभाविक प्रदर्शनीहरू हुन् । तसर्थ, ती उही निश्चयतासाथ गरिए जुन निश्चयताद्वारा हामी हाम्रा सामान्य दैनिक कामहरू गर्छौं ।

फिलिप स्काफ, इतिहासकारसाथै ईश्वरशास्त्री

विनाअपवाद उहाँ [येशू] का आश्चर्यकर्महरू सर्वाधिक शुद्ध मनसायबाट गरिएका थिए र ती परमेश्वरको महिमा र मानिसहरूको हितका लागि थिए । ती प्रेम र कृपाका आश्चर्यकर्महरू हुन् जुन निर्देशन र महत्त्वले भरिएका छन् अनि उहाँको चरित्र र मिसनसित मेल खान्छन् । 

फिलिप स्काफ, इतिहासकारसाथै ईश्वरशास्त्री

Leave Your Comments Here.